Skip to main content

Talent 2019: Kalaallit Nunaanni piginnaaneqartoqarpa?

Danmarkimi ukioq manna piginnaaneqarluartutut taaneqartussamik ujaasineq aallartippoq. TV2, aallakaatitassiamik ingerlatsisuusoq kalaallinik peqataasussanik ujartuivoq.

Aallakaatitassiaq ’Danmark har talent’ Danmarkimi ukiut tallimassaanik piginnaanilinnik peqataasussanik ujaasivoq. TV2-p aallakaatitassiaq ingerlataraa, ukioq manna ukiamut aallakaatinneqartussaavoq. Ajugaasumut pisarnertut 250.000 koruunit pinnatassatut aningaasartaliunneqarput.

- Ukiut siuliini Aabenraamiit, Viborgimiit, Københavnimiit aamma Thistedimiit ajugaasoqartarpoq. Ukioq manna ajugaasussaq immaqa Kalaallit Nunaanneersuuvoq? ‘Danmark har talent’-imi aaqqissuisoqarfik allappoq.

Kalaallit Nunaannilu aamma piginnaaneqartoqarpoq. Assersuutigalugu Julie Berthelsen aamma Nina Kreutzmann Jørgensen Dansk Melodi Grand Priximi erinarsuut ’League of Light’ atorlugu ajugaangajalluinnarput.

Erinarsoqatigiit unamminermi normu 2-tut inissipput, isiginnaartuniilli taajuunneqarnerpaagaluarlutik.

Piginnaanilinnik ujaasineq

Aallakaatitassiami ’Danmark har talent’-imi peqataasut piginnaaneqarniuullutik unammissapput. Ilaatigut quujasaarisartut, qitittartut, erinarsortartut, angakkuartartut skateboardertartullu unammissapput.

- Kikkut tamaasa peqataatissavagut; ukiut sapinngisarlu apeqqutaatinnagit. Suna piginnaaneqarfiginerlugu takutikkiartoruk, ‘Danmark har talent’-ip aaqqissuisoqarfia allappoq.

Kisimiittut eqimattatulluunniit peqataaniarluni nalunaartoqarsinnaavoq, apriilip qiteqqunnerani kingusinnerpaamik nalunaartoqarsinnaalluni. Illit isumaqaruit piginnaaneqarlutit, ugguuna nalunaarsinnaavutit.

Aallakaatitassiamut peqataaniarluni misilitsinnerit Københavnimi maajip naanerani ingerlanneqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER