Skip to main content

- Takutitseqqaarnissap aallartiliivinnissaa tikillugu pissangavunga

Piggappaat Hans Jukku peqatigalugu, pulaartoqarluni nipilersortoqarlunilu aallakaatitassiaq pillugu oqarpoq

Filmiliuutit piareermata issiavimmullu ingikkami Hans Jukku Noahsenip pissangalluni malugaa. Misigissuserli taanna peerutipallappoq. 

Piggappaat aallakaateqqaarneqarnera Hans Jukku Noahsenimit naak ilaatigut kukkusoqalaartaraluartoq tulluusimaarutigineqarpoq. Aallakaatitsivimmi isiginnaartoqartarpoq, quiasaarisartup tamanna sungiusimavaa. 

Aallakaatitassiaq toqqaannartuunngilaq, immiunneqareermat aqaguani aallakaatinneqarpoq. Imaassinnaasoq siunissami toqqaannartalerumaartoq Hans Jukku Noahsen oqarpoq. 

Pulaartorineqartut isertuunneqartartut
- Aallakaatitassiaq nunani allani aallakaatitassianut assingusoq Facebookimi ilaatigut maluginiarpara. Tamanna qanoq oqaaseqarfigisinnaaviuk?

- Nunarsuarmioqataavugut aamma malinnaasariaqarpugut. Arlaat pitsaanerusumik siunnersuuteqarsinnaaguni takanna. Inuit oqaatigiumasatik namminneq oqaatigisinnaavaat, aalajangerpasissumik saamasumilli Hans Jukku Noahsen oqarpoq. 

- Tulliani kina pulaartorissaviuk?

- Aalajangiunnikuuarput kina tulliani pulaartorissallugu oqaatigisassanagu. Tamatigut tupaallatitsisoqartassaaq kina pulaartuunersoq, Hans Jukku Noahsen Sermitsiaq.AG-mut oqarpoq. 

'Piggappaat' pingasunngornerit tamaasa KNR-TV-ikkut nalunaaqutaq 22.00 aallakaatinneqartassaaq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER