Takussutissaq: Mittarfiliornissanut tunngatillugu isumaqatigiissut aana

Naalagaaffimmik isumaqatiginninniarnermut atatillugu suut imarineqarnersut paasissutissiissutigineqannginnera Inatsisartuni Aningaasaqarnermut Akileraartarnermullu Ataatsimiititaliap Kim Kielsen isornartorsiorpaat. Ataatsimiititaliaq akuersiseqqaarnagu Kim Kielsen isumaqatigiissut atsiussanngitsoq ataatsimiititaliami siulittaasoq Hermann Berthelsen (S) piumasaqaateqarpoq. Isumaqatigiissummi suut imaritinneqarnersut erseqqissaasoqarsimannginnera pissutaalluni Partii Naleraq Naalakkersuisooqataajunnaarpoq.

Isumaqatigiissut qanoq imaqarnersoq maanna takuneqarsinnaalerpoq:

Danskit Kalaallit Nunaanni mittarfiit pillugit suliniummut tunniusimanissaat aamma Kalaallit Nunaat Danmarkilu inuussutissarsiornermi suleqatigiinnerunissaat pillugit

Naalakkersusut danskillu naalakkersuisuisa isumaqatigiissutaat

Kalaallit Nunaanni attaveqaatit nutarterniarlugit pitsanngorsarniarlugillu aamma inuussutissarsiorneq nukittorsarniarlugu mittarfinnik arlalinnik sanaartornissamut Inatsisartut 2015-imi ukiakkut tunngaviusussuamik aalajangiipput. 2018-imut Aningaasanut Inatsit Nuummi, Ilulissani Qaqortumilu mittarfinnik nutaanik sanaartornissamut taakkununngalu aningaasalersuinissamut oqaasertaliussanik imalik Inatsisartut akueraat. Nuummi, Ilulissani Qaqortumilu mittarfinnik nutaanik sanaartornissaq pillugu inatsisissatut siunnersuutip 2018-imi ukiakkut Inatsisartunit suliarineqarluni naammassineqarnissaa naatsorsuutigineqarpoq.

Naalakkersuisut ingerlatseqatigiiffik Namminersorlutik Oqartussanit pigineqartoq Kalaallit Airports A/S 2016-imi pilersippaat, taassumalu mittarfiit taakku pingasut sananeqarnissaat ingerlanneqarnissaallu isumagissavaa.

Manna isumaqatigiissut Nuummi Ilulissanilu mittarfinnut aningaasalersuinissamut attuumassuteqarpoq. Kalaallit Airports A/S ingerlatseqatigiiffimmik Nuummi Ilulissanilu mittarfinnik taamaallaat sanaartortitsisussamik ingerlatsisussamillu pilersitsissaaq.

Namminersorlutik Oqartussat namminneq aningaasaatiminnit 1,4 mia. kr.-nik aamma akisussaalluni taarsigassarsinikkut aningaasaatiminnit 0,1 mia. kr.-nik tapiissuteqassapput.

Suliniutip aningaasaqarnerata aalajaannerunissaa siunertaralugu naalagaaffik nammineq aningaasaatiminik tapiissuteqarniarput aamma Kalaallit Airports A/S-illu ingerlatseqatigiiffiata Nuummi Ilulissanilu mittarfinnik ingerlatsinissaanut sanaartortitsinissaanullu erniakitsunik taarsigassarsinissaanut qulakkeerinneqataassaaq. Taamaaliornikkut taarsigassanut aningaasalersuisariaqarneq annikillisinneqassaaq, ernianullu aningaasartuutit annikillillutik. Peqatigisaanillu Namminersorlutik Oqartussanut aningaasaqarnikkut ernumanartukinnerulerpoq.

Danskit naalakkersuisui Naalakkersuisullu Kalaallit Nunaanni inuiaqatigiinni nutaanik isertitaqalernissamut alliartortitsinissamullu inuussutissarsiornerup ineriartornerata nukittorsarneqartariaqarneranut isumaqataapput. Illuatungeriit attaveqaatinut anngaasaliissutit Kalaallit Nunaanni aningaasaqarnikkut inuussutissarsiornermilu siuarsaasoqarnissaanut piumsaqaatitut pingaaruteqartutut isigaat.

Inatsisartut mittarfiit pillugit suliniut pillugu aalajangiinerat aamma Danmarkimi aamma Kalaallit Nunaanni oqartussat akuerisaat eqqarsaatigalugit Danskit naalakkersuisui Naalakkersuisullu makku isumaqatigiissutigaat:

Naalagaaffik Nuummi Ilulissanilu mittarfiit pillugit suliniummut pimoorussilluni suleqataassaaq taassumunngalu aningaasalersuinissamut peqataassalluni.
 Suliniutissat ataatsimoorussassat Kalaallit Nunaanni inuussutissarsiornerup ineriartorneranut siuarsaasinnaasut aamma Danmarkip Kalaallillu Nunaata akornanni suleqatigiinnerannut nukittorsaataasinnaasut aallartinneqassapput. Namminersorlutik Oqartussat naalagaaffillu Greenland Venturemut aamma Vækstfondenimut Kalaallit Nunaanni inuussutissarsiornermut tapersersuillualereerlutik suleqataallualereersunut anigaasaleeqqinnissaat illuatungeriit pissusissamisoornerpaasoraat.

Illuatungeriit makku isumaqatigiissutigaat:
1. Namminersorlutik Oqartussat Nuummi Ilulissanilu mittarfinnik sanaartornissamut namminneq aningaasaatiminnit 1,4 mia. kr.-nik aamma akisussaalluni taarsigassarsinikkut aningaasaatiminnit 0,1 mia. kr.-nik tapiissutissaasa saniisigut – taarsigassarsiat aningaasalersorneqarnissaat annikilliniarlugittaaq – naalagaaffik Kalaallit Airports A/S-ip ingerlatseqatigiiffiata Nuummi Ilulissanilu mittarfinnik ingerlatsinissaanut sanaartortitsinissaanullu nammineq aningaasaatiminit akiliissaaq 33,3 pct.-iillu sinnilaarlugit piginneqataassutsimik 700 mio. kr.-nik naleqartumik piginnittunngorluni.

Piginneqataasutut pisinnaatitaaffiit ilanngullugit piginnittuunermut isumaqatigiissut atuuttunngortinneqarpoq, taanna pingaarnertut makkuninnga aalajangersakkanik imaqarpoq: Niuernermi piumasaqaatit ilannguttussaannginnerlu pillugu tunngavigisaq naapertorlugit (i) piginnittuunermut tunngaviit, (ii) itigartitsisinnaatitaaneq, (iii) aqutsisut katitigaanerat, (iv) iluanaarutissatut naatsorsuutigisinnaasat, (v) piginneqataassutsit aqutsisullu katitigaanerisa
allanngornerat, (vi) paasissutissat ingerlaarnerat, (vii) saqitsaannernik aaqqiissuteqarneq, (viii) susassaqaqatit allallu akornanni pissutsit.

Piginnittuuneq pillugu isumaqatigiissummut atatillugu pissutsit allat Naalakkersuisut Siulittaasuata finansministerillu akornanni isumaqatigiissutigineqassapput.

2. Kalaallit Airports A/S-ip Nuummi Ilulissanilu mittarfinnik sanaartornissamut ingerlatsinissamullu ingerlatseqatigiiffiutaa Den Nordiske Investeringsbankimut 450 mio. koruunit tungaanut taarsigassarsinissaanut Naalagaaffik sillimmasiissaaq.
Naalagaaffiup sillimmasiinissaa pillugu pissutsit allat Aningaasaqarnermut Naalakkersuisup Finansministerillu akornanni isumaqatigiissutigineqassapput.
Den Nordiske Investeringsbankimit taarsigassarsisoqanngitsuussappat, allamut aningaaserisumut 450 mio. koruunit tungaanut taarsigassarsiffissarsiornissamut apeqqut Aningaasaqarnermut Naalakkersuisup Finansministerillu eqqartussavaat. Taamatullu pisoqassappat Naalagaaffiup sillimmasiinissamut pissutsit allanngortinnagit allamut taarsigassarsititsisussamut sillimmasiiniarnini uppernarsarpaa.

3. NaalagaaffiupKalaallitAirportsA/S-ipNuummiIlulissanilumittarfinnik sanaartornissamut ingerlatsinissamullu ingerlatseqatigiiffiutaanut 450 mio. koruunit tungaanut taarsigasseeqqippoq taarsigassarsinissamut isumaqatigiissut eqqunngitsumik atorneqassappat naalagaaffik isumaqatigiissuteqarnikkut taarsigassanik nammineq aningaasaatinngortitsisinnaanngortillugu. Taamaakkaluartoq naalagaaffiup Kalaallit Airports A/S-ip Nuummi Ilulissanilu mittarfinnik sanaartornissamut ingerlatsinissamullu ingerlatseqatigiiffiutaanik piginneqataassutai amerlanerussuteqarsinnaanngillat.

Taarsigasseeqqinnermut atatillugu pissutsit allat, matumani allanngortitsisinnaatitaaneq (konverteringsretten) ilanngullugu, Kalaallit Airports A/S-ip Nuummi Ilulissanilu mittarfinnik sanaartornissamut ingerlatsinissamullu ingerlatseqatigiiffiutaanit, finansministerimit kiisalu Aningaasaqarnermut Naalakkersuisumit isumaqatigiissutigineqassapput
Sanaartornissamut aningaasartuutit naatsorsuutigigallakkamit amerlaneruppata imaluunniit sanaartornissamut aningaasartuutit ilaat sukkasuumik akilersorneqartariaqassappata naalagaaffik isumaqatigiissuteqarnikkut ingerlatseqatigiffimmut annerusumik taarsigasseeqqissinnaavoq.

4. Namminersorlutik Oqartussat naalagaaffillu Greenland Venturemut Vækstfondenilmullu 200 mio. kr.-nik Kalaallit Nunaanni aningaasaliinernut ataatsimoorussanut atugassanik aningaasaatissatut tapiissuteqarput. Namminersorlutik Oqartussat naalagaaffillu aningaasaliissutissanit tamarmiusunit 20 mio. kr.-nik aamma 180 mio. kr.-nik aningaasaliissuteqarput, tassanilu siunertarinerpoq Greenland Venture Vækstfondenilu immikkut 100 mio. kr.-nik tunineqarnissaat. Greenland Venture Namminersorlutik Oqartussanit 100 pct.-imik pigineqaannassaaq.

Taassuma saniatigut Greenland ilaatigut Venture Vækstfondenilu tunngaviliussaq qaangernagu Kalaallit Nunaanni inuussutissarsiornikkut suliniutinut pineqartunut nutaarsaasinnaaniasammata Namminersorlutik Oqartussat naalagaaffillu 20 mio. kr.-nik inuussutissarsiornermut puljemik pilersitsipput. Namminersorlutik Oqartussat puljemut 2 mio. kr.-nik naalagaaffillu 18 mio. kr.-nik aningaasalersuissapput, tassanilu siunertarinerpoq Greenland Venture Vækstfondenilu immikkut 10 mio. kr.-nik tunineqarnissaat.

Namminersorlutik Oqartussat naalagaaffiullu aningaasaliissutai inuussutissarsiornermullu pujlep pilersinneranut pillugit pissutsit allat Inuussutissarsiornermut Nukissiuteqarnermullu Naalakkersuisup erhvervsministerillu isumaqatigiissutigissavaat.

Illuatungeriit Air Greenland A/S-imik piginnittuunerup katitigaanera allanngortinnissaa siunertaraat, tassa Namminersorlutik Oqartussat Air Greenland A/S-imik piginneqataassutsit naalagaaffimmit pisiariniarpaat. Taamaattoqassappat Namminersorlutik Oqartussat piginneqataassutsinik pisineranut pissutsit qassiit illuatungeriinnut tamanut naammaginartuussapput, matumani nalinganik inissiinissaq ilanngullugu.

Naalagaaffiup inuussutissarsiornermi suleqatigiinnermut annertusisamut aningaasaliissuteqarluni tapiissuteqarnermut pissutaavoq illuatungeriit Air Greenland A/S-imik piginnittuunerup katitigaaneranik allanngortitsisoqarnissaanik isumaqatigiimmata.

Namminersorlutik Oqartussat naalagaaffimmit Air Greenland A/S-imik piginneqataassutsinik pisinissaat pillugu pissutsit allat Naalakkersuisut Siulittaasuata finansministerillu isumaqatigiissutigissavaat.

5. KalaallitNunaanniVækstfondenalliartortitsinissamut sillimmasiisinnaaniassammat danskit naalakkersuisui inatsit allanngortinnissaanut sulissuteqassaaq, tamannami pingaartumik ass. sanaartugassanut annertuunut aningaasaliinernut periarfissaqarluarmat.