Skip to main content

Takussutissaq: Nuummi makkunani kunngikkut aalateriffigisinnaavatit

Marlunngornermi pingasunngornermilu dronning Margrethe uialu prins Henrik illoqarfiit pingaarnersaanniissapput, aasaanerani Kalaallit Nunaanni angalanertik naggaserlugu

Kunngikkut kunngip umiarsuaanik Dannebrogimik aasaanerani sivisuumik kusanartumillu Kalaallit Nunaanni angalanerat naajartulerpoq. Sapaatit akunnerini kingullerni dronning Margrethep uiatalu prins Henriup Avanaani Kitaanilu illoqarfippassuit nunaqarfippassuillu tikeraarsimavaat.

Ataasinngormat kunngikkut nuannarineqartut Maniitsumiipput, ullumilu marlunngornermi, aqagulu pingasunngornermi, angalanertik naggaserlugu Nuummiissapput.

Pisortatigoortumik tikilluaqquneqassapput pingasunngornermi nalunaaqutaq 10.00.

Kunngikkut Nuummiinnissaat:
Marlunngorneq juulip 21-at:

Nal. 14.40
Inatsisartut Naalakkersuisullu naatsumik naapissavaat
Kunngikkut namminersorlutik oqartussat napasuliami allattoqarfianni Naalakkersuisut siulittaasuata Inatsisartullu siulittaasoqarfiata ataatsimiinneranni peqataassapput.
Nal. 15.00
Siulittaasup naalakkersuisoqarfianut pulaassapput

Pingasunngorneq juulip 22-at:
Nal. 10.00
Pisortatigoortumik tikilluaqqusineq
Kunngikkut Nunatta Katersugaasiviata ataanut (talittarfimmut puttasumut) tulassapput borgmesterimit utaqqineqarlutik. Borgmesterip kunngikkut illoqarfiit pingaarnersaannut tikilluaqqussavai qulingiluarlunilu hurraarutigalugit. Erinarsoqatigiit Nipe ´Nunarput utoqqarsuanngoravit´ erinarsussavaat.
Nal. 10.30
Kittat pulaassavaat
Kunngikkut Kittat pulaassavaat, taannalu katersugaasiviusoq suliffiusoq. Mersortarfik kunngikkunnut takutinneqassaaq.
Nal. 11.15
Kalaallit Nunaata Eqqartuussivianut pulaarneq
Pulaarneranni eqqartuussiviup ilassutaa takutinneqassaaq, parnaarussivittaassarlu oqaluttuarineqassaaq.
Nal. 11.45
Grønlandsbankimut pulaarneq
Borgmesterip kunngikkut tikilluaqqussavai, aningaaseriviullu pisortaa Martin Kviesgaard naatsumik oqalugiassaaq
Grønlandsbankimi ullo´qeqqasiussapput
Nal. 12.00
Borgmesteri nerinermi qaaqqusisuuvoq.
Ataqqinartorsuup Dronningip pilersaarutaa
Paaqqinnittarfimmut sammisaqartitsivimmullu Ippiarsummut pulaassaaq
Kunngikkormiutut ataqqinassusillip Prins Henriup pilersaarutaa
Kalaallit Nunaata Rødekorsia pulaassavaa
Nal. 13.50
Prins Henriup Røde Kors pulaassavaa, ilaatigullu NGO-mi suleqatigiinnermik inuusuttunullu suliniummik ´Inua´-mik paasissutissinneqassaaq
Ataatsimoorlutik pilersaarutaat
Nal. 14.45
Illoqarfiup ilaani nutaami Qinngutsinni aqquserngup ilaanik atoqqaarfissiortitsineq.
Dronningip aqqusineq nutaaq atoqqaartissavaa
Nal. 15.10
Ilinniarfissuarmut pulaarneq
Kunngikkut Ilinniarfissuup eqaarsaartarfitoqaa takutitsisarfittalik takuniassavaat, kalaallit nutaaliamik annoraaminiliaannik pinnersaasioriaasaannillu takutinneqassallutik.
Nal. 15.30
Eqaarsaartarfiup inersuartaavani kaffisoqatigiinneq
Kunngikkut Nuummiut kaffisoqatigissavaat. Kaffisoqatigiinnermi kommunip tunissutaa tunniunneqassaaq, Arctic Winter Gamesilu inuit timersuutaannik takutitsissaaq, nipilersornermik kulturimillu naggaserneqartumik.
Nal. 19.00
Kunngip umiarsuaani Dannebrogimi ilassinninneq
Kunngikkut kunngip umiarsuaani Dannebrogimi ilassinnissapput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER