Skip to main content

Takunnissimasunut sioorasaarisarneq sakkortunerusumik pineqaatissiissutaasassaaq

Pinerluttulerinermut inatsit susassaqarfinnut tallimanut tunngatillugu allanngortinneqassaaq, ilaatigut takunnissimasunut sioorasaarisarneq sakkortunerusumik pineqaatissiissutaasalersillugu

Inatsisartut aalajangiiffigisassatut siunnersuut ullumi siullermeerlugu suliarissavaat, tassani pinerluttulerinermut inatsimmi immikkoortut pingaarnerit tallimat allanngortinneqarnissaat anguniarlugu.

Allannguutissatut siunnersuutigineqartut taakku tallimat tassaapput:

Takunnissimasunik nalinginnaasumik sioorasaarisarnerit pinerluttunngortinneqassapput. Takunnissimasut unnerluutigineqartumut inatsisitigut illersugaannginnertik pissutigalugu sassarnissaminnut qunusarnerisa illuatungilerneqarnissaa pisariaqartinneqarmat. 

Illoqarfimmi illuliorfigisimasumi aallaasinik eqqunngitsumik iginnerup Kalaallit Nunaanni pinerluttulerinermi inatsimmi pinerluutinngortinneqarnissaa, tamanna sakkortuumik pinerlunnerusoq kiisalu politiit malittarisassaannik unioqqutitsineruinnaanngitsoq, kingornatigut taamaallaat akiliisinneqarnissamik kinguneqartussaq takutinniarlugu.

Isertitsivimmut nakkutigineqartussatullu pineqaatissinneqarnissamik eqqartuussisarnernik atuisinnaaneq annertusineqarput, taamaalilluni pineqaatissiissutip eqqortumik pineqarnermik misigititsinissaanik inniminninnerup, matumani innarlerneqartumik inniminninneq ilanngullugu, isertitsivimmut inissiinissaq tunngavilersinnaappagu isertitsivimmut inissiisoqassalluni, unnerluutigineqartulli inuttut atugarisai innimigalugit iperagaanermi nakkutilliinermik aallartitsinissaq aamma imaluunniit innuttaasunut ilaalerseqqinneqarnissaanik pineqaatissiineq tunngavilersinnaappagu nakkutilliinissamik pineqaatissiisoqassalluni.

Inip nakkutilliiffiusup atorneranut piumasaqaatit sakkukillineqarput, pingaartumik isertitsivimmiittoq nipiliorpallaartillugu, aserorteritillugu imaluunniit assigisaanik sakkortuumik pissusilersortillugu akuliunneruallaanngitsumik pineqaatissiinerit naammanneq ajortut takuneqarsinnaammat. Tamatuma kinguneraa isertitsivimmi inimi nakkutilliiffiusumi sivikitsumik inissiineq ileqqorissaarnissaq isumannaatsuunissarlu eqqarsaatigalugit pisinnaasoq. Isertitsivimmi eqqissisimatitsinissap isumannaatsuunissallu pingaarutilimmik pisariaqartinneqarnissaat, imaluunniit, isertitsivimmiititap nalinginnaasumik imminnut ajoqusinnginnissaa anguniarlugu, immikkut nakkutigineqarnissaa, isertitsivimmi inip nakkutilliiffiusup siunissami atorneqartarnissaanut piumasaqaataavoq.

Tarnikkut nappaatillit katsorsarneqartarnerannut inissinneqartarnerannullu kina akisussaanersoq pillugu maleruagassat allanngortinneqassapput. Eqqarsartaatsikkut innarluutillit pineqartillugit kikkut aningaasaqarnikkut akisussaasuuneri pillugit erseqqissaasoqarnissaa tamatumunnga tunuliaqutaavoq, tassami ulluinnarni isumaginninnermi oqartussaasut pineqaatissiissutinik naammassinninnermik suliarinnittuusarmata tamatumunnga tunuliaqutaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER