Takornariat Tunumi nannunik takuniaasinnaanngulersut
Kommune Kujallermi kommunalbestyrelsip ullumi suliarissavaa, Qullermi Tunumiittumi takornariat nannunik takuniaatinneqartarnissaannut akuersissummik qinnuteqaat
Kalaallit Nunaata kangiata kujataani qeqertami Qullermi nannunik takuniaatitsisarnissaq tapersersorneqarniarpasippoq.
South Greenland Adventure sumiiffimmi taamatut takuniaatitsisarnissamut akuersissummik qinnuteqartuuvoq. Qinnuteqaat kommunalbestyrelsip ullumi suliarissavaa, qinnuteqaat teknikkimut avatangiisinullu ataatsimiititamit kiisalu aningaasaqarnermut ataatsimiititamit tapersersorneqarpoq.
- Sumiiffiit takuniaatitsisarfiorusuttut ullumikkut allatut atorneqaratik taamaallaat najukkami piniartunit aalisartunillu atorneqartarput. Pinngortitaq inunnit sunnerneqarsimanngitsoq takornariartitsinermi sammisaqartitsissutissatut kissaatigisamut tunngavissiissaaq, kommunip aqutsisoqarfianit inassuteqaat taamatut allassimavoq.
- Kommuni Kujallermi kommunalbestyrelsip pingaartitaasa ilagaat, takornariartitsisarnerup ineriartortinneqarnissaanut pitsaanerpaamik atugassaqartitsinissaq. Suliniutip matuma Kommuni Kujalliup nuarsuarmut nittarsaanneqarnera pitsanngorsaaqataaffigissavaa.
- Peqatigitillugu suliniutit taakku kommunimi aningaasaatilissuarnik takornariartitsisarnermik annertusaaqataassapput. Aqutsisut nalilerpaat, qinnuteqaat akuerineqarpat Kommuni Kujalleq ataatsimut isigalugu iluaquserluarneqassasoq.