Skip to main content

Takornariat amerliartuinnartut Nuuk toqqartarpaat

Nuuk Kalaallit Nunaanni illoqarfiit pingaarnersariinnanngilaat. Issittumili aamma illoqarfiulluni pisoqarfiulluartoq, soqutiginartoq pinngortitamilu alianaatsumiittoq, takornarianit amerliartuinnartunit ornikkumaneqartartoq

Tupilak Travel Nuummi 2006-imi pilersinneqarmat, takornarianut neqeroorutit annerusumik niuertunut angalasunut, atorfilittanut Nuummiunullu tikeraartunut sammitinneqartarput. 

Nuummummi takornarianik tikittoqarneq ajorpoq. Tamannali allanngorsimasoq, piginnittoq Henrik Skydsbjerg oqarpoq.

Colourful Nuuk
- Takornariat Nuummut takornariarniarlutik aalajangersimasut, ukiut pingasut missaasa matuma siornagut takusalerpavut, ukioq mannalu amerleriasaarput. 2016 ukiutut 0-itut taarusussinnaavara, mannami pisoqaraluttualerpoq. Siornamut naleqqiullugit ukioq manna marloriaammik amerlanerusunik takornariaqarpugut. Tamatumunngalu Visit Greenlandip aamma Kommuneqarfik Sermersuup soqutigisallillu allat Colourful Nuummik ussassaarisimanerat pissutaaqataasoraara.

Island
Angalatitseqatigiiffiit arlallit nunarsu- armi sumi tamaaniittut, Kalaallit Nunaan- nik maluginiagaqalersimasut Henrik Skydsbjergip oqaatigaa, taakkumi Nunarput Islandimeereersimasunut Issittumi takuniagassatut tullertut soqutiginartutut isigaat.

Saligaatsoq kusanartorlu
- Nuummut takornariartut ilaatigut erseqqissartarpaat, illoqarfik saligaatsuullunilu kusanartuusoq amerlasuunillu saariarfissaqarluni. Qanittukkut Schweizimiunik ilagisariinnik sisamanik inuttalinnik innisimasoqarpugut, taakkulu ulluni qulini Nuummiipput. Angalatitsinivut aaqqissuussinivullu tamaasa peqataaffigisarpaat, angerlamullu aallaleramik oqaatigaat suli ullunik 14-inik sivisunerusumik Nuummiissinnaagaluarlutik, Henrik Skydsbjerg oqarpoq.

Illoqarfimmiinneq
Nuummi takornarianut nalinginnaasumik aaqqissuussisarneq tassaagajuttarpoq illoqarfimmi pisuttuartitsineq ilaatigut kulturimut tunngasunik takuniaanernik, soorlu katersugaasiviliarnermik, Nuutoqqamut takuniaanermik ilallugit, aamma nerisassanik mamartunik kalaallit tamussiussassaataannik Katuami naggaserlugu. 

Kaffillertuniinneq
Tamakku saniatigut amerlanerit umiatsiamik Qooqqunut angalaartarput, tamaani aalisarneq nuannarineqartaqaluni tamatumalu kingorna pisarineqartunik nammineerluni neriniartarfimmi Qooqqut Nuan’imi igalluni. 

Piffissaqarluartilluni ulloq ataaseq atorlugu Kapisilinnut angalaarnissamut periarfissaqartarpoq imaluunniit Illuerunnernut umiatsiamik angalaartoqartarluni, tamaanilu Hans Egedekkut illorisimasaata toqqavia takuniarneqartarluni. 

Taamaattorli nuannarineqarnerpaaq tassaavoq maani illoqarfimmiumut nalinginnaasumik kaffillertumut pulaarneq, Henrik Skydsbjerg oqaluttuarpoq.

Allaaserineqartoq aviisimi AG-mi sapaatip akunnerata siuliani saqqummersumi atuarneqarsinnaavoq. Aviisi uani aamma pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER