Skip to main content

Takornariartitsisartutut aningaasaateqarfimmut aningaasaliissuteqartarneq matuneqartoq

Aningaasaateqarfik Destination East Greenland (DEG) ukiuni marlunni naatsorsuutinik tunniussisimanngilaq, tamanna tunngavigalugu pissutsit aaqqiiffigineqarnissaasa tungaanut Kommuneqarfik Sermersuumit aningaasaliissuteqartarneq matuneqarallarpoq.

Destination East Greenland, Tasiilami eqqaanilu takornariartitsisarnermik ineriartortitsisussaq, ukiumut naatsorsuusiortarneq pillugu inatsit malillugu pisussaaffimminik malinnissimanngilaq, kommunimi pisortap Lars Møller-Sørensenip anigaasaqarnermut ataatsimiititamut januaarip 14-iani ataatsimiittusaasmut allagarisimasaani tamanna atuarneqarsinnaavoq.

Illoqarfiit pingaarnersaata kommunia DEG-mik kiffartuussinissamut isumaqatigiissuteqarpoq 2020-p naanerani atorunnaartussamik, 2021-mulli kiffartuussinissamut isumaqatigiissutissamik nutaamik suliaqarnermut atatillugu paasinarsivoq, DEG-mi aningaasaateqarfik 2018-imut 2019-imulu naatsorsuutinik tunniussisimanngitsoq.

Ilungersunartupilussuaq

- Aningaasaateqarfiup 2018-imut 2019-imullu naatsorsuutinik tunniussisinnaasimannginnera ilungersunartupilussuusoq allaffeqarfimmit nalilerneqarpoq. DEG naatsorsuutinik tunniussinngippat Inuussutissarsiornermut Aqutsisoqarfik arlalinnik iliuuseqarsinnaavoq, soorlu siulersuisut akiligassinneqarsinnaapput, ajornerpaamillu pisoqassappat aningaasaateqarfik matuneqarsinnaavoq, Lars Møller-Sørensen ilisimatitsivoq.

Kiffartuussinissamut isumaqatigiissutissap nutaap ukioq manna atuuttussap isumaqatiginninniutigineqarnerani ammasumik ingerlatsisoqarnissaa kommunimit piumasarineqarsimavoq, tassa kommunip kiffartuussinissamut aningaasaliissutai sumut atorneqartarnersut naluneqannginniassammat. 2021-mi kiffartuussinissamut aningaasaliissutigineqarsimapput 574.000 koruunit, tamanna Sermersooq Erhvervip 2021-mut missingersuutaani takuneqarsinnaavoq.

- DEG-mit pisussaaffigineqarpoq, kommunimut kvartalikkaartumik nalunaarusiaminik tunniussinissamut, tassa suliarisimasat allassimasussaallutik. DEG aaqqissuussanik, kiffartuussinissamik isumaqatigiissutaasimasunik, ingerlatsinngikkaangat kiffartuussinissamut aningaasaliissutit ilanngarneqartassapput, taamaalilluni ukioq 2021 naannginnerani aaqqissuussat naammassineqarpata naammassineqarsimappatalu akiliineq aatsaat pisinnaassaaq, kommunimi pisortap suliassamik saqqummiussissutaani allassimavoq.

Piffissaliussaq

Kommunimi pisortap inassuteqaataa politikkerinit taperserneqassappat, aningaasaateqarfimmut aningaasaliussassat ukiunut marlunnut pineqartunut naatsorsuutit tunniunneqarpata aatsaat tunniunneqassapput. 574.000 koruunit taakku qanoq sivisutigisumik missingersuutiniinnissaannut aamma piffissaliisoqarsimavoq.

- Aningaasaliissutit akuerineqarpata naatsorsuutillu aggustip aallaqqaataatinnagu kommunimut tunniunneqarsimanngippata aningaasat sammisassanut allanut assinginut siunertanut atugassiissutigineqassapput, kommunimi pisortaq Lars Møller-Sørensen erseqqissaavoq.

DEG-mut 2021-mut kiffartuussinissamut isumaqatigiissutaapput:

Ukiuunerani aamma aasaq tamaat takornarianut paasissutissiivimmi ammatitsisarneq

Takornarianut paasissutissaliorneq

Nittartakkat Facebookilu aqqutigalugit internetikkut nittarsaassineq

Kulusummi takornarianut paasissutissiivik

Saqqummersitsinermi peqataaneq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER