Takornariartitsisartut suliffeqarfiat: Ukiutoqqami unnukkut bussinik akeqanngitsumik angallassisoqassaaq

Greenland Cruises Nuup Bussii suleqatigalugit Nuummi ukiutoqqami unnukkut bussinik akeqanngitsumik angallassinissamik neqeroorpoq.

paasissutissiivoq, Facebookimi ukiutoqqami unnukkut bussit amigaataanissaannik oqallinneq takoreerlugu isumassarsisimalluni. Ivik Knudsen-Ostermann

Innuttaasut arlallit nittartakkani inuit attaveqatigiittarfiini illoqarfiit pingaarnersaanni ukiutoqqami unnukkut bussinik angallassisoqarnissaanik ujartuipput. Illoqarfiummi bussii Nuup Bussiineersut angallassissanngillat.

Maannali takornariartitsisartut suliffeqarfiat Greenland Cruises innuttaasunik naaperiaavoq. Suliffeqarfik Nuup Bussii suleqatigalugit Nuummi ukiutoqqami unnukkut nal. 22 aamma 02 akornanni bussinik akeqanngitsumik angallassinissamik aaqqissuussisimavoq.

Taama Greenland Cruisesimik piginnittoq, Ivik Knudsen-Ostermann, tusagassiuutitigut nalunaarummi paasissutissiivoq.

Facebookimit isumassarsiarigaa

Ivik Knudsen-Ostermann paasissutissiivoq Facebookimi ukiutoqqami bussit amigaataanissaannik oqallinneq takoreerlugu taama isumassarsisimalluni.

- Taamaattumik Rene Hansen Nuup Bussiineersoq attaveqarfigaara, taannalu ingerlatitsisussamik piumasumik nassaalertorsimavoq ingerlaarnissamullu pilersaarusiorluni, Ivik Knudsen-Ostermann allappoq.

Coronamik killilersuinerit pissutigalugit bussinut ilaasinnaasut issiaviit amerlassusaannit amerlanerusinnaanngillat.

Bussit ingerlaarnissaannut pilersaarut Facebookimi gruppimi Nuuk Borger Infomi avitseqatigiissutigineqarpoq kiisalu Greenland Cruisesip facebookimi quppernerani takuneqarsinnaalluni.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS