Skip to main content

Takornariartitsisarneq: Pitsaassuseq qulakkeerniarneqartoq

Nunani allani takornariartitsisarneq unammillersinnaajumallugu, Kalaallit Nunaani takornariartitsisarnerup pitsaassusaata qualakkeerneqarnissaa sulissutigineqarpoq

Julia Pars Visit Greenlandimi pisortaq Sermitsiaq.AG-mut ilisimatitsivoq, Kalaallit Nunaanni takornariartitsisarnerup inerisartuarneqarnissaa misigisassaqartitsinerillu pitsaassusaasa qulakkeerneqarnissaa pingaaruteqartoq, tassa nunatsinnukarusuttut amerlanerulersinniarnerat piviusunngortinniarlugu.

Pingaartumik misigisassarsiorusuttut Kalaallit Nunaannukartarnissaannut kajumissuseqalersinniarneqarput. Aningaasaatilissuupput angalanerminnilu aningaasartuutimik 65 procentiisa missaanniittut nunami sumiiffinni atortarlugit. Misigisassarsiorusuttartut nunatsinnukartissallugit pilerinartarpoq, Kalaallillumi Nunaat allanug sanilliullugu immikkuullarissunik neqerooruteqarsinnaavoq.

Misigisassarsiorusuttartunulli tunngatillugit unammilligassat ilagisarpaat, aningaasartuutigisamaninnut tunngatillugit sunik neriorsorneqarsimanerlutik ilisimaarisaramikku. Aap pitsaassuseq appartinneqassanngilaq, taamaattoqassagaluarpammi taarsiiffigiteqqusut suliarineqartalissapput tusaamanerlugaalerlutalu.

Takormariartitsisarnermik nalunaaqutsersuineq

Inuussutissarsiornermut Naalakkersuisoqarfiup takornariartitsinermik nalunaaqutsersuisalernissamut alloriarnissaq siulleq pillugu Visit Greenland oqaloqatigaa. Aaqqissuussaq takornariartitsinermik inuussutissarsiutilinnut tusarniaassutigalugu nassiunneqarsimavoq, tusarniaanermullu akissuteqarfissaq kingulleq tassaavoq februaarip 21-at.

- Pitsaassutsimik nalunaaqutsersuisalernikkut, tunisassiat sullissinerillu suut, assersuutigalugu piujuartitsiviusut, najukkami tunisassiaasut imalunniit sullissinerup qaffasissusaanik aalajangersimasumik atuutsitsiviunersut, takornarianut ersarinnerulersinneqassaaq, inatsisissamut nutaamut nassuiaatini allassimavoq.

Kajumissaarut

Taamatuttaaq takornariartitsinermik suliaqartunut aammalu inuussutissarsiummik ingerlataqartunut pitsaassutsimik nalunaaqutsersuineq aalajangersimasoq anguniarlugu tunngavissarsiritaasut aalajangersimasut naammassinissaannut kajumissaarutitut tamanna atorneqarsinnaasoq takuneqarsinnaavoq.

- Piumasaqaatit aalajangersagaasut aqqutigalugit suliffeqaffiit qanoq pitsaassutsinik qaffassaassanersut, pitsaassutsinik nalunaaqutsersuinermut aaqqissuussinermi ilitsersorneqarsinnaapput. Taakku piumasaqaataassapput immikkuullarissut allattugaasut, suliffeqarfiup pitsaassutsinut nalunaaqutsiussamik aalajangersimasumi pissarsiniarluni naammassisimasassai, taamaalilluni suliffeqarfimminni aammalu sullississutiminni pitsanngorsaaniarlutik suliniutinik sunik aallartitsisinnaanerlutik, suliaqartuusunut atoruminarnerussaaq paasiuminarnerullunilu, nassuiaatini allassimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER