Takornarianut akiliuteqarluarumasunut ineriartortitsinissamut periarfissagissaarpoq
Maniitsormiu Karl Davidsen Napasup eqqaani eqaloqarfinni takornarianut qissattartitsisarnissamut akuersissutaateqartoq, Arnangarnup qooruani aalisariartitsisalernissamut tammajuitsussarsiorlunilu piniariartitsisarnissamut neriuuteqarpoq.
Maniitsormiut Karl Davidsen Napasup eqqaani Amitsuarsummi aamma Kangiani takornarianik qissattartitsilluni eqalunniartitsisarnissamut akuersissutaateqarpoq 2023-p tungaanut atuuttunik taassumalu kingorna sivitsorneqarsinnaallutik, Sermitsiaq allappoq.
Takornarianut ikitsuinnarnut akiliuteqarluarumasunullu misigineqarsinnaasumik qissattartitsilluni eqalunniartitsisarneq aallarnisaleruttorpaa.
Aasaq manna pisortatigoortumik takornariartitsisarneq aallartippaa, 90-inillu tikeraartoqarluni, eqimattaq ataaseq tikinngitsoorpoq angallannikkut pissutsit ajornarneratigut uiartortariaqarneq unititsinermik kinguneqarluni.
Takornariat 100-t sinnerlugit
- Amerikamit tikittussaangaluit holdit ataaseq aamma holdip affaa, Amerikamiit aqqutigisassartik takigivallaartuuleramikku, Seattlemiit, Danmarkikkoortussanngorlutik. Kissaatiginaraluarpoq Canadamiit toqqaannartumik timmisartoqartartuugaluarpata.
Saaffiginnittartut amerikaminngaanneernerusaramik. Taakkuungaluarpullu aningaasanik atuerusuttartorujussuit periarfissaalluaramik, Arctic Wildlife Adventuresimi pisortaq Karl Davidsen oqarpoq.
Eqaloqarfinni akuersissutaateqarfini ukioq manna aatsaat pissarsiarigaluarlugit, siorna misiliutitut Kangiani takornarianik eqalunniartitsinermik ingerlatsinermini takornariat 100 sullippai.
Allaaserineqartoq tamakkiisumik Sermitsiami atuarneqarsinnaavoq. Aviisi uani pisiariuk: