Takornarialerisoq: Suliffeqarfiit nunani allaneersut sakkortuumik unammillerpaatigut
Kalaallit soqutigisaat aallaavigalugit takornariaqarneq pillugu nutaamik periusissamik sanasoqanngippat, kalaallit takornarialerisut niuernikkut ingerlatsinerat navianartorsiortinneqalissasoq, Ilimanami Qeqertarsuarmilu takornarialerisut isumaqarput
Ilimanami sanaartorneq 2013-imiit 2016-imut suleqatigiinnit pingasuusunit, World of Greenlandimit, Qaasuitsup Kommunianit aamma Realdania Byg A/S-imit aningaasalersorneqarlunilu ingerlanneqartoq, Ilimanami innuttaasunut siunissamut isumallualersitsisimagaluarpoq, Sermitsiaq allappoq.
World of Greenland, takornariartitsinermik ingerlataqartoq, Ilimanami illuaqqanik unnuisarfinnik 15-inik sanaartortuuvoq, Qaasuitsup Kommunerisimasaatalu aqqusernit, kuuffiit talittarfillu aningaasalersorlugillu sanaartorpai. Kiisalu suliffeqarfik Danmarkimi angerlarsimaffeqartoq, Realdania Byg A/S, illutoqqanik eriagisassanik, maanna World of Greenland-imit Topas Travel-imiillu neriniartarfittut ingerlanneqartunik, nutarterivoq.
Sakkortuumik tatisimaneqalernissamik ernumaneq
Suliniulli taanna nunaqarfimmi innuttaasunit isumalluarfigineqarsimagaluartoq, maanna unnuisarfinnik sisamaasunik ingerlataqartumit, Ove Villadsen-imit isornartorsiorneqarpoq. Taannami oqimaaqatigiinngitsumik sakkortuumillu unammillerneqartutut misigisimavoq.
- Kalaallit takornarialerisut suliffeqarfissuarnit nunani allaninngaanneertunit siunissami sakortuumik tatisimaneqalernissaat ernumanarpoq, Ove Villadsen, Ilimanami illunik sisamanik unnuisarfiuteqartoq Sermitsiamut oqarpoq.
Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk: