Angallanneq

Takornarialerisoq Kujataani mittarfinnik pingasunik kissaateqartoq

Qaqortoq, Narsaq aamma Nanortalik tamaasa mikisunik mittarfiliorfigigaanni takornariaqarnermut pitsaanerussasoq, Jacky Simoud, Narsarsuarmi Blue Ice Explorerimik piginnittoq, isumaqarpoq

- Narsarsuaq Kujataanut tamarmut isaavittut piujuartittariaqarparput, Jacky Simoud isumaqarpoq.

Avaannaani, annerusumillu Qeqertarsuup Tunuani, takornariaqarneq, Kujataanut naleqqiullugu annertuneruvoq. Tamannalu illuanut saatinneqassappat periutsit nalinginnaanngitsut atorneqartariaqarput. Tamaasiornikkut Kujataanut takornariartartut malunnaatilimmik amerlanerujussuanngortinneqarsinnaapput.

Takornariallu amerlanerulernissaannik takorluugaq piviusunngortinneqassappat, Qaqortumi mittarfik ataasiinnaq sananeqarani, Qaqortoq, Narsaq aamma Nanortalik tamarmik mikinerusunik mittarfiliorfigineqartariaqarput. Taama isumaqarpoq, franskeq suliumatooq takornariaqarnermillu ukiuni amerlasuuni ingerlataqartoq, Jacky Simoud. Taassuma Blue Ice Explorer Narsarsuarmi angerlarsimaffeqartoq isigaraa.

Naalakkersuisut siunnersuutaat Qaqortumi mittarfiliornissamut atatillugu aqqusinniornissamut aningaasaliissutit Inatsisartut Aningaasaqarnermut Akileraartarnermullu Ataatsimiititaliaannit akuersissutigineqaqqammerput.

Tamanna Kujataani politikerinit, minnerunngitsumillu takornarialerisunit, nunarsuarmi sumiiffinniit assigiinngitsorpassuarniit Kujataanut naggorissumut alianaatsumullu takornariatartunik sullissisunit, nuannaarutigineqarpoq.

Allaaserineqartoq Tamanut Kujataanimi tamaat atuarneqarsinnaavoq. Kommuni Kujallermi pisartut assigiinngitsut aviisimi atuarneqarsinnaapput. Aviisi akeqanngitsumik ataani aaneqarsinnaavoq:

Powered by Labrador CMS