Taekwondo: Ukiut arlallit uninngareerluni qernertumik qiteruteqalersoq
53-nik ukiulik Marius Nielsen 2. dan-mik tunineqarpoq Kalaallit Nunaanni Taekwon Do-tartut kattuffianniit
Nunatsinni Taekwon Do-mi pissartanngorniuttoqarneranut atatillugu 53-nik ukiulik Marius Nielsen 2. dan-mik tunineqarpoq Kalaallit Nunaanni Taekwon Do-tartut kattuffianniit.
- Qujamasuppunga tupaallaqqallungalu, Marius Nielsen oqarpoq.
16-nik ukioqarluni Taekwon Do-talerpoq 1986-milu unilluni.
- Naak ukiorpassuit qaangiukkaluartut suli angerlarsimaffinni sungiusartarpunga. Ukiorpassuarni umiartortuuvunga taamaattumillu iluamik sungiusarnissaq periarfissaasimanngilaq.
- Maannakkut Ilulissani najugaqarpunga paasitinneqaramalu Qasigiannguanut qaaqqusaallunga 2. dannimik tunineqartussaanera pillugu soorunalimi tupaallaqaanga. Maaniinnera isumaqaqaaq. Soorlu utertuusillunga, taamanikkut sungiusartarallarninninngaanniit. Nuanneqaaq maaniilluni, Marius Nielsen oqarpoq.