Maani Sermitsiaq.AG-mi atuartartut taasititsinermut peqataasut qularuteqanngillat. Ilinniartitaaneq aamma ineqarneq qineqqusaarnermi sammisassat pingaarnersaraat. 39 procentinit aamma 35 procentinit taaneqarlutik, pingajuattut inissisimasumit, tassa mittarfinnit 7 procentinit taaneqartumit pingaartinneqarnerupput.

Ulluni siullerni qineqqusaarfiusuni sammisat annertuut, namminiilivinneq aamma aalisarnermut inatsit, atuartartut ikitsuinnaat pingaarnerpaatut nalilerpaat.

Taasititsineq naak inuit isumaannik paasiniaanerunngikkaluartoq, inuit sammisanik soqutigisaannut tikkuussisuupput. Tassanilu politikerit aaqqiissutissanut siunnersuuteqartussaassagunarput.

Sermitsiaq.AG-p sammisaq “meeqqat inuusuttullut sumiginnakkat’’ sammisani ilaatinngimmagit kukkusimasoq, atuartartut amerlasuut isumaqarput.

- Sooruna Nunatta ajornartorsiutaasa annersaat ilaanngitsoq? Meeqqagut siunissaraagut, amerlasuullu inuuniarnermikkut ajornartorsiuteqarput, sooruna salliutinneqanngisaannartut? atuartartoq ataaseq tapersersorneqarluartoq allappoq.

LÆS OGSÅ: Taasititsineq: Qineqqusaarnermi sammisaq sorleq pingaarnerpaava?

Inuit aamma apeqqutit allat soqutigigaat, oqaaseqaatini atuarneqarsinnaapput.

- Inuit katersuutsillugit, aamma piviusorsiortumik, suliamut tunngasumik pitsaasumillu oqallilluni qineqqusaartoqassasoq – inuit ataasiakkaat isumaqatigiinngissutaannut tunnganatik, atuartartoq allappoq.

Ataaseq alla aalajangersimasumik siunnersuuteqarpoq. 

- Namminersorlutik Oqartussat namminneq aatsitassarsiussasut, ingerlatseqatigiiffik imaluunniit ingerlatseqatigiiffik arlallit taakkunannga pigineqartut aqqutigalugit piiassagaat, taanna allappoq.

Maanna nalunaaqutaq 11.20, 1683-t taasinermut peqataasimalerput.

Uani ataani taasinermut suli peqataasinnaavutit