Skip to main content

Taasisinnaasut 66-iupput

Immikkut ittumik ataatsimeersuarneq pissangajarsigaluttuinnarpoq

Siumup Nuummi immikkut ittumik ataatsimeersuarnerani 66-it taasisinnaasutut nalunaarsorneqarsimapput.

Ilaatigut Lars-Emil Johansenip kissaateqarneratigut siulittaasumik qinersinissaq nal. 13-imut kinguartinneqarpoq.

Sulili nalunaarutiginngilaa siulittaasumut qinigassanngortissanerluni.

Nuup mittarfianut nalunaaqutaq 10.05 tikikkami oqaaseqarumanngilaq.

Lars-Emil Johansen ataatsimeersuarnermut takkuteqqammerpoq.

Maannakkorpiaq siulittaasumut qinigassanngortittut pingasuupput: Kim Kielsen, Doris Jakobsen aamma Nick Nielsen.

Immikkoortortaqarfinnili politikerit arlallit Lars-Emil Johansen kajumissaarsimavaat qinigassanngorteqqullugu. Ilaasa nammineerlutik saaffigalugu, ilaallu tassaallutik partiip immikkoortortaqarfiinit aallartitat. Ilaatigut Nuummi, Aasianni, Uummannami, Ilulissani Nanortalimmilu immikkoortortaqarfinnit.

Kim Kielsenimilli tapersersuisut amerlaqaat, maannangaarlu qinigassanngortittut akornanni Kim Kielsen ilimanaateqarpasinneruvoq.

Taasisinnaasut 66-it akornanni pissanganeq annertusiartorpoq.

Aleqa Hammond taasisinnaatitaavoq, matumali allannerani immikkut ataatsimeersuartunut takkussimanngilaq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER