Folketingimut qinersineq

Taasereersunik isumasiuineq: Nunarput suli saamerliuvoq

KNR-ip illoqarfinni anginerni taasereersunik isumasiuinera naammassivoq, tassanilu qinersinerup ilimagineqareersutut inerneqarnissaa siulittuutigineqarluni. Taamaattorli Siumut kinguariassangatinneqarluni

Inuit Ataqatigiit ataatsimik Siumullu ataatsimik ilaasortaatitaqalissapput. Taakkualu tassaassangatinneqarput Aaja Chemnitz Larsen (IA) aamma Aleqa Hammond (Siumut).

Kitaani illoqarfinni anginerni taasereersunik isumasiuinermi tamanut saqqummiunneqaqqammersumi tamanna siulittuutigineqarpoq.

Missiliuinermi KNR-ip qinersisartunik qinersiviit silataanni qinersisartunik kikkunnik taasisimanerannik apersuineratigut suliarineqartumi Siumup kinguariarsimanissaa ilimagineqarpoq.

Matuma allanneqarnerata nalaani (nal. 20:40) nunatsinni qinersivinni taasinerit taamaallaat 378-it kisinneqarsimapput. KNR-illu taasereersunik isumasiuinerani ikittuararsuit kisimik akissuteqarnerat erseqqissaatigissallugu pingaaruteqarpoq.

Taasereersunik isumasiuinermit kisitsisit qinersinerup qanoq inaarutaasumik inerneqarneranik immaqa nal. 22 missaani ilisimasaqalernissatta tungaanut pissanganermik pilersitsisinnaasut imaapput:

IA, akissuteqartut 1.654

Siumut, akissuteqartut 1.026

Atassut, akissuteqartut 214

Partii Naleraq, akissuteqartut 121

Powered by Labrador CMS