video takuuk
Taaseqqusaarut oqallisigineqaqisoq Folketingimit peerneqartoq
Video qineqqusaarnermut atorneqartoq Folketingimit peerneqarpoq, tusagassiorfinnilu aamma takuneqarsinnaajunnaarluni
Qineqqusaarnermi video 'Voteman' inuttani pingaarnertut inuttaatinneqarluni. Video inuusuttut amerlanerusut Europa parlamentimut taasinissaat anguniarneqarpoq. Video Folketingip YouTubeanit Facebookianillu peerneqarpoq.
- Inuppassuit videomut eqqortissimapput, naak video inuusuttunuugaluartoq. Eqqortittut nalilerpaat video inuusuttunut nakkarsaasoq, Folketingip siulittaasua Mogens Lykketoft e-mailikkut oqarpoq.
- Video assigiinngitsorpassuarnik isummerfigineqarpoq, ilaat illarnarnerarpaat, ilaat ingasagaat ilaallu nakkarsaasuunerarlugu. Maajip 25-ani taasinissamut video tunngassuteqarpoq, tamannalu siunertaasuaannarnikuuvoq.
Videomi 'Voteman' arnarpassuarnik atoqateqarpoq, taasiartunngitsunullu nukersortarluni.
Video ataasinngormat YouTube-mut ikkunneqarnerata kingorna 200.000-riarluni takuneqarpoq.
Video qulaani takuuk
Taaseaqqusaarut qanoq isumaqarfiaajuk?