Skip to main content

Taaneqarnerpaasimasut qinigaaffiup ingerlanerani unittut

Kommuninut qinersinermi 2017-imi qinigaanerpaasimasut politikkimik suliaqarunnaassallutik aalajangersimapput imaluunniit sulinngiffeqarallarlutik. Taakkulu Kommuneqarfik Sermersuumi kommunalbestyrelsemi politikkimik suliaqarunnaassallutik aalajangersimasut tamarmik arnaapput.

Kommuneqarfik Sermersuumi kommunalbestyrelsemi ilaasortat, kommunenut qinersinermi 2017-imi taaneqarnerpaat ilaat maanna kommunalbestyrelsemi ilaasortaajunnaareersimasut, Sermitsiaq.AG-p naatsorsuinermini paasivaa.

Demokraatineersoq Randi Vestergaard Evaldsen marlunngormat ilisimatitsivoq nuna tamakkerlugu aamma kommunimi politikkimik qaammat naappat suliaqarunnaassalluni. Taamaasilluni 2017-imi apriilimi kommunemut qinersisoqareerneranit politikerit tallimassaat kommunalbestyrelsemi ilaasortaajunnaarpoq.

Taasinerit 66 procentii anereerput

2017-imi apriilimi politikerit qinerneqartut 19-iusut katillutik 5.881-init taajuunneqarput, taakkunannga Asii Chemnitz Narup taajuunneqarnerpaalluni 2.259-init taajuunneqarsimalluni.

Arnat politikerit tallimaasut katillutik 3.894-init taajuunneqarsimapput. Kommunalbestyrelsemilu apriilimi 2017-imi ilaasortanngortunit 19-iusuni qinersinermi taajuunneqartuni katillugit 66 procentinit taajuunneqarsimallutik.

Politikerit uku aggustip aallaqqaataat 2019 aallarnerfigalugu anereersimassapput:

  • Randi Vestergaard Evaldsen
  • Nivi Olsen
  • Asii Chemnitz Narup
  • Martha Lund Olsen
  • Malene Lynge

Qinersisartut naatsorsuutigisariaqassavaat qinersinermi taasimasartik maanna allarluinnarmit sinniisoqarmat, tassa sinniisutut taartaasoq kommunalbestyrelsemi isersimalermat.

Qinersinermi apriilimi 2017-imi sinniisussatut qinigaasut tallimat katillutik 338-init taajuunneqarput. Taakkunani ilaavoq Nadia Olsen, Randi Vestergaard Evaldsen taarserlugu kommunalbestyrelsemi ilaasortanngortussaq.

Sermersooq: Inissiat kommuninut tunniukkallarsigit
2019-imi Nuummi innuttaasut 2018-imut sanilliullugu 400-t sinnerlugit amerleriarput. Innuttaasut amerliartornerat ilutigalugu, Namminersorlutik Oqartussat inissiaataat 108-t atorneqanngillat. Tamanna...
Qatserisarfik qatserisartuni aalajaatsut pillugit nalliuttorsiorpoq
Ukiuni 40-ni kingullerni qatserisartut aalajangersut Nuumminngaanneersut illoqarfiit pingaarnersaanni ikuallattoqalersillugu orniguttarput qamiteriartorlutik, inuunermillu annaassiniariartorlutik....
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER