Taamani Savalimmiut avissaarumalleraluarmata
Atuagaq "Da Færøerne ville løsrive sig fra Danmark" qallunaatuunngorlugu 12. oktober 2020 saqqummersinneqarpoq.
Politikerit amerlanersaat ilumoortumik soqutigisaqanngillat, pissaanermilli taassumalu qanoq attatiinnarneqarsinnaaneranik. Pissaaneq attatiinnarneqarsinnaassappat ilumoortup inunnit sapinngisamik annikinnerpaamik ilisimaneqarnissaa pingaartuuvoq.
Tuluk atuakkiortoq Harold Pinter, atuakkialerinermi Nobelip nersornaasiuttagaanik 2006-imi nersornaaserneqarmi, taama oqarsimasoq, aviisi AG allappoq.
Savalimmiuni politikerip Sjúrður Skaalep oqaatsit taakkua atuakkiamini oqaasinnaatut inississimavai, atuakkiaminilu ukiut 20-t matuma siorna Savalimmiut naalagaaffeqatigiinnermit avissaarnisaat periarfissatut piviusutut tassanngaannaq isikkoqalermat matut matoqqasut tunuanni susoqarsimanersoq oqaluttuaraa.
Sjúrður Skaale Savalimmiuni naalakkersuisunut 2000-imi siunnersortaavoq taamaattumillu ataatsimiinnerit tamaasa najuuffigisarsimallugit. 2011-miilli Savalimmiunit Folketingimut ilaasortaatitat marluusut aapparilersimavaat. Taamaammat naalakkersuinikkut qitiusoqarfimmut qaaqqusisoq kinaagaluarnerpuunngilaq.
Skaale tamatuma peqatigisaanik politikkikkut aaqqissugaanermut ilaavoq. Taamaammat atuakkap maanna qallunaatut saqqummersinneqarneranut politikkikkut siunertarineqartup suusinnaanera isumaliutigisariaqarpoq. Atuagaq Savalimmiormiutuutut 2015-imi saqqummersinneqarpo. Skaale naalagaaffeqatigiinnerup sinneranik immaqa oqaaseqartitsiniaannarpoq.
Aviisimi AG-mi atuarnerusinnaavutit. Uani pisiariuk: