Skip to main content

Taamaattumik Sermitsiaq uranimik ilisimasalinnik paneliliorpoq

Uranimik piiaanissamik oqallinnermut Sermitsiap akulerunneranut nassuiaat aajuna

Siunissami uranimik piiaanissamut nunatsinni illersuisoqarlunilu akerliusoqarpoq.

Amerlasuut ernumanartoqartippaat tamanna avatangiisinut kalaallillu kinaassusaannut qanoq kinguneqassanersoq.

Sermitsiaq.AG-p allassimaneratut aviisi Sermitsiaq immikkut ilisimasalinnik paneliliorsimavoq, atuartartut apeqqutaannik akissuteqartartussamik.

– Kalaallit immikkut ilisimasallit sapinngisamik amerlanerpaat atorpavut, aammattaarli Danmarkimit ikiortissarsiortariaqarsimavugut panelimik sapinngisamik siammasissumik ilisimasalimmik piginnaasalimmillu katiteriniarluta, Sermitsiap aaqqissuisuunera Poul Krarup oqarpoq.

Peqataalluni

Panelimi peqataapput avatangiisinik ilisimasallit, ujarassiuut, inuiaqatigiinnik ililsimasallit, uranimik ilisimasallit, inuussutissarsiortut akissarsiortullu, aaqquissuisoq nassuiaavoq. Taanna isumaqarpoq kalaallit tusagassiorfisys arlaannaannulluunniit attuumassuteqanngitsup, inuiaqatigiinnut apeqqummi pingaarutilimmi peqataanissaat pingaaruteqartoq atuartartunilu akulerutsillugit.

– Piaaraluta aallaqqaammut paneli, selskabip GME-p Kujataani Kuannersuarni suliniutaanut illersuisunik akerliusunilluunniit ilaqartinngilarput. Tamanna aatsaat pissaaq qinnuteqaammi piumasaqaatit tamarmik naammassineqareerpata, Krarup oqarpoq nangillunilu:

– Tamatuma saniatigut inatsisartuni partiit akornanni politikkikkut oqallittoqarpoq.

Aviisip taamatut suliniuteqarneranut pissutaavoq nunatsinni uranimik piiaasoqalissagaluarpat tamatuma kinguneqaatissai inuppassuit ernumanartoqartimmassuk innuttaasunillu avissaartortitsilluni. Innuttaasut aatsitassarsiornermik assortuussutaasumik naliliinissaannut tunngavissaannik piviusunik pilersitsiniarneruvoq.

Misigissutsit ilaapput

– Kissaatigaarput innuttaasut piviusunik tunuliaqutaqarlutik uranimik piiaanissamut naliliisinnaanissaat, misigissutsinik tunngaveqanngitsumik. Taamaattumik maannangaaq NGO-nik politikerinilluunniit panelimi peqataatitaqanngilagut, Poul Krarup nassuiaavoq.

Taanna oqarpoq apeqqut pingaaruteqartorujussuusoq kalaallit ilumut piumaneraat Kalaallit Nunaat uranimik piiaassasoq avamullu tuniniaarlugu. Tassami uranimik tunisassiornermi aamma pineqarput kinaassuseq, misigissutsit, naleqartitat aammalu Kalaallit Nunaanni inuiaqatigiit qanoq ittuussanersut.

– Politikkikkut oqallinneruvoq, ajoraluartumik akuersaanngilluinnarnermut politikkip taamaatinneqarnissaanik aalajangerneq, stoffinillu radiop qinngornerinik ulorianartunik annerpaaffissaa killilernagu akulinnik piaanissamik akuersineq sioqqullugu atorsimanngisarput, Poul Krarup oqarpoq.

Sermitsiap atuartartunut apeqquteqartitsinini sapaatip akunnerani uani ammarpaa, apeqqutillu tallimanngornerit tamaasa aviisimi saqqummersumi akineqartassapput.

/ritzau/

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER