Takunnikkumaneq
Taamaammat Tanbreez sivitsuluuppoq
Tanbreezip isumaa nalunaarutillu arlallit Aatsitassanut Naalakkersuisoqarfiup suliarititaanni isummat assigiinngitsorujussuupput, tamatumalu aatsitassanik qaqutigoortunik suliniutip ukiuni arlalinni unittooqqanera nassataraa
Suliarinninneq nunatta avataani pisussanngortinneqarpat, Tanbreezip suliniutaani aatsitassanik qaqutigoortunik suliarineqarsimasunik tunisinermi akileraarutinik isertitsinissaq ajornarsilluinnangajassaaq. Suliarinninnerup nunatsinni pinissaa arlalitsigut iluaqutissartaqarpoq, tamannalumi aamma iluanaarutissartaqarluarpoq.
Taama siunnersortit nalunaarusiaat, AG-p pappiaqqanik takunnikkumanikkut pissarsiarisaani inerniliussat nipeqarput, taakkulu Namminersorlutik Oqartussat Tanbreezimut qalluisinnaanermut akuersissummik ukiuni arlalinni itigartitsinerannut toqqammavigineqarput.
ATUARUK: Barnes: Kalaallit Nunaata 1 milliard dollarsit annaavai
Nalunaarusiani eqqartuussissuserisut Lett, kukkunersiuisut PricewaterhouseCoopers ingeniørillu siunnersuisartut i TRU Groupip nalunaarusiaq Tanbreezip Copenhagen Economicsimit suliarititaa akerlilerpaat.
ATUARUK: Tanbreez aamma Naalakkersuisut akornanni isumaqatigiinnerit angusaqarfiulersut
Akileraarutit pillugit isumaqatigiinngitsut
Kingulliup qalluinerup Kalaallit Nunatsinni ingerlanneqarnera kisimi akilersinnaasoq unnerpaa, naallu suliarinneqqinneq nunani allani ingerlanneqaraluartoq akileraarutinik akiliisitsisoqarsinnaasoq oqaatigalugu.
ATUARUK: Tanbreezip upernaaru akuersissummik pissarsinissani neriuutigaa
Tamannali eqqortuunngitsoq eqqartuussissuserisut kukkunersiuisullu oqarput, taakkulu nunamik allamik marloqiusamik akileraarusersuinermik isumaqatigiissuteqartoqarsinnaanera pisinnaanngitsoq oqaatigaat, taamaalilluni assersuutigalugu Kalaallit Nunarput akileraarutit 66 procentiinik pissarsisinnaalersillugu.
ATUARUK: Tanbreez Naalakkersuisunik suli isumaqatiginninniarpoq
- Sinneqartoorutinik avitseqateqarneq Kalaallit Nunaanni akileraarusigassanngortinneqartut annikinnerulernerannik inerneqarsinnaaneranut aarlerinaateqartoq isumnaqarpugut, Pricewaterhouse-Coopersut oqarput, taakkulu eqqartuussissuserisunit Lett Advokatikkunnit taperserneqarput.
Saqitsaanneq pisariusoq pillugu AG-mi paasisaqarnerugit: