Skip to main content

Taamaammat internet Nuummi kipisaqattaarpoq

Tele Postip Nuummi internettimut attaviisa nutarneranni ajornartorsiummik ilimagineqarsimanngitsumik siumugaqartoqarpoq. Taamaammat internet aamma dankortimik akiliisarfiit uneqattaarput

Sapaatip akunnerata naanerani aallartittumi internettimut attaviit Nuummi kipeqattaarput. Attaviit nutarteranni ilimaginngisamik ajornartorsiummik takkuttoqarnera pissutaavoq. Ilaatigut tamanna pissutigalugu pisiniarfinni marlunngornermi siuleriiaartoqarsimavoq dankortimik akiliisarfiit unimmata.

Dankortimik akiliisarfiit kisimik attaveerutinngillat. Aammali internettimut attaviit teknikkikkut ajoquteqaqattaarput. Inuinnaat atuisut arlalissuit attaveeruttarsimapput.

800-ut attaveqanngillat
- Sisamanngornerup ullaavani Nuussuarmi atuisut arlallit DSLAM-ip (siammartiterinermi centralip) ajoquteqarnerata kingunerisaanik attaveqarniarnerminni ajornartorsiuteqarsimapput. Taanna nal. 9.00 missaani iluarsivoq, attaveqartoqarsinnaaleqqillunilu, Tele Post nalunaarpoq.

Flateratemik atuisut 800-ut missaat aamma attaveeruteqqagallarput. Taakku ajornartorsiutaat aatsaat iluarsisinnaapput atortorissaarutit aallarteqqinneqarpata. Tamanna tallimanngornerup tungaanut unnuami pissaaq.

- Bredbånd-imik atuisutta 4.500-uusut akornusersorpallaannginnissaat siunertaralugu unnuaanerani attaveerutsitsigallarniarpugut, Tele Post nalunaarpoq neriuutigaallu unnuap ingerlanerani attaviit tamarmik iluarsisinnaajumaartut.

Tele Post attaveqaatinik nutarterivoq internettimi sukkassuseq qaffasinnerusoq atuisut ujartugaat tunniussinnaalerumallugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER