Skip to main content

Taamaammat imminut toquttarneq akiorniarpaa

Tasiilami inuusuttunut pulaarnermini atuakkiortoq Niviaq Korneliussen Kalaallit Nunaanni imminut toquttarnermut suliniutit annersaannik aaqqissuussivoq. Nipangersimaannarnissaq inooqataaffigisinnaanngilara, oqarpoq.

- Inuusuttut ikioqqullutik nilliapput, nilliapput neriuutigalugulu arlaannit tusaarneqassallutik. Tamanna nalunngilara, uangami tusarnaalaaginnarpunga. Sooruna tusaaniartoqanngitsoq?

Niviaq Korneliussen Tasiilamiippoq Majoriami inuusuttut allannissaannik ilinniartinniarlugit. Misigisanilu kamaatigai allaaserilerlugillu. Qaammat ataasiunngitsoq qaangiummat Kalaallit Nunaanni innuttaasut akornanni imminut toquttarnermut akerliuniarnermik aatsaat taama annertutigisumik suliniuteqalerpoq.

- Sorpassuit sussaanngitsut takkusuupput. Inuusuttut ikiorneqarnissaminnik nilliapput. Inuusuttut inoqammut tusaaniaqqaartumut oqaluttuarnissaminnik pisariaqartitsipput, tassalu uannut. Sussaanngitsumik aaqqissuussisoqarsimavoq! Kialuunniit iliuuseqarfiginianngilaa, kamalluni oqarpoq sulilu kamassaqarluni.

Arnanut saqqummertumi nutaami, maanna pisiniarfinniilereersumi, atuagassiap suliniuteqartut Imminornerit:0:Selvmord sammivai, taassuma inuit illoqarfinni 12-ni katersuutippai, ataatsimut imminortarneq akiorniarlugu kajumissaaruteqarlutik. Atuagassiami aamma Narsingatak Kukop oqaluttuaa sakkortooq atuarneqarsinnaavoq, peroriartornermini ilaquttami qanigisai arlallit imminut toquttarsimanerannit inuunermi qaamanermik qanoq nanisisimanera pillugu.

Atuagassiaq Arnanut uani ataani linki aqqutigalugu isissutissarsiffigiuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER