Skip to main content

Taamaammat amerlasuut akissarsinngitsoorput

Nalunaarasuartaatip attaveerunnera pissutaalluni Pilersuisuni pisiniarfinni ajornartorsiortitsivoq

Illoqarfinni nunaqarfinnilu amerlasuuni Pilersuisuni pisiniarnermi Akiliummik MasterCardimillu akiliisinnaanngillat, imaluunniit aningaasanik tigusisinnaanatik. Tamanna Sisimiut sakkortusaaviata attaveqannginneranik pissuteqarpoq. 

Inuppassuit ullumi tallimanngornermi ullormut 14-imut aningaasarsiarisartakkanik pissarsisussaagaluarput. Illoqarfinni nunaqarfinniluunniit Pilersuisumit aningaasaqarnikkut ingerlanneqartulli aningaasarsiatik Akiliummik tigusinnaanngilaat, bankit aningaasiveqarfiillu Sisimiuni aqunneqartarnerat pissutaalluni. Sisimiut sakkortusaaviata attaveqannginneranik pissuteqarpoq. 

Pissamaatinik pisinngitsoorneq
- Pisiniat arlaqartut pisiatik akilersinnaanngilaat Akiliummik MasterCardimillu akiliisoqarsinnaannginnera pissutaalluni. Dankortillit kisimik pisisinnaapput, attaveqanngikkaluartoq suli atorneqarsinnaasarmat, Uummannap Pilersuisuani ingerlatsisoq Mette Zeeb Sermitsiaq.AG-mut oqarpoq. 

Tamanna Upernavimmi aamma atuuppoq. Inuit arlaqartut aningaasarsiatik tigunngitsoorpaat. 

Dankorti pitsaaneruvoq
- Pinsiliivippoq, pinsisiornissamullu inuit pisiniaraluarlutik. Akiliutillit MasterCardillillu aningaasanik tigusisinnaanngillat pisisinnanatilluunniit akiliutertik atorlugu. Dankorti pitsaanerusoq pisiniartunut oqaatigisarparput, Upernavimmi Pilersuisup immikkoortortaqarfiani pisortaq Erik Immanuelsen Sermitsiaq.AG-mut oqarpoq. 

Sisimiut eqqaanniittoq qaqagu attaveqaqqilissanersoq suli ilisimaneqanngilaq. Sakkortusaavimmi Dye One-mi Qaqqatumiittumi ajoqquteqartoqarpoq, teknikerillu tassunngarsinnaanngillat silarlunnera pissutigalugu. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER