Tunu
Taaguut Tunu sms-ikkut taasititsissutiginiaraa
Inatsisartunut ilaasortaq Justus Hansen (D) Tunup taaguutaa taarserniarpaa. Taaguutillu allanngortinneqarnissaa sms-ikkut taasititsissutigineqarsinnaanerarpaa
Tunu kitaamiusut taaguutaavoq, tassa Kalaallit Nunaata tunuanik isumaqartoq.
Taaguut taanna Inatsisartunut ilaasortap aamma Kommuneqarfik Sermersuumi borgmesterip tulliata, Justus Hansenip (D), tamanna taarsissallugu kissaatigaa, inunnut Tunumeersunut ajortunumik sunniuteqartartoq isumaqarami.
Sms-ikkut taasititsineq
- Tunumiuusugut 'tunuani' najugaqartutut misigisimavugut. Innuttaasullu pingaannginnerusutut misigaluta, taanna Nuuk TV-imut sisamanngormat oqarpoq.
Taaguutaata allanngortinneqarnissaanut siunnersuut akuerineqassappat, sms-ikkut taasititsisoqassasoq tv-eqarfik ilisimatitsivoq. Taasititsisoqassappallu periarfissat tassaassapput, 'Tunu', 'Kangia' imaluunniit 'Nunatta Kangia'.
Tunu taamatut pisortatigoortumik taaguuteqarunnaarnissaanik politikkikkut sivisuumik kissaateqartoqarpoq, taamatullu 2014-imi tamanna pillugu tusarniaasoqarnikuuvoq.
Naligiinnermut apeqqut
Justus Hansenip erseqqissaatigaa, siunnersuutini kalaallit innuttaasut naligiinnerulernissaannut tunngasuusoq.
- Taagutaa Kangianik imaluunniit Nunatta Kangianngortikkaanni Tunumi innuttaasut ajunnginnerusumik misigilissapput. Innuttaasut sinnerinut naligiinnerulertutut misigissallutik, Justus Hansen oqarpoq.
Atuaruk: 'Tasiilaq tunulliunneqarunnaassaaq'
Nuuk TV-mi ilanngutassiaq uani takuuk: