Naalaaqataagit
Svenskit radioata kalaallit nipilersugaat nuannareqai
Sveriges Radio akunneq ataaseq kalaallit nipilersuusiaannik nutaanik pisoqqanillu samminnittalerpoq
Svenskit radioanni P3-mi aallakaatitassiaq Musikguiden aallartippoq Nuummi punkertartut Ikané nipilersugaannik sakkortuumik, ilaatigut kamannermik saqqummersitsisumik. Taavalu nipilersukkanik tusarnaartitsineq aallartippoq, aqutsisoralugu svenseq DJ tusagassiortorlu Pelle Moeld.
Nipilersortartunik ilisimasaqaluartoq
Svenskeq taanna piareersarluarsimavoq, taamaattumik nipilersukkatigut neqeroorutigisinnaasatta assigiinngitsorpassuit saniatigut radiokut aallakaatitassiaq taanna paasisaqarfiusinnaavoq, aallakaatitassiarlu taanna ippassaq pingasunngornermi aallakaatinneqarpoq, tusarnaarneqarsinnaavorlu Sveriges Radiop nittartagaani.
Sveriges Radiop Kalaallit Nunaat kisiat samminngilaa.
Musikguiden maannakkorpiaq Skandinavia tamaat kaajallallugu nunani tamani nipilersoriaatsit sammivai.
Septembarimi Sermitsiaq.AG-p nipilersorneq samminikuuvaa. Allaaserisat tamaasa atuarsimanngikkukkit maani periarfissaqarputit