Svalbardimi eqqissisaaneq
Citronen Fjordimi aatsitassarsiornermik suliniummut Svalbard aallaaviussaaq.
Nunalerinermut, Imminut Pilersornermut, Nukissiornermut Avatangiisinullu Naalakkersuisoq Kalistat Lund sapaatip-akunnerata siuliani Svalbardimiippoq. Longyearbyenimi mittarfikkoorluni Ironbarkip zinkinut aqerlunullu aatsitassarsiornermik suliniuteqarfiani Citronen Fjordimi Nunatta avannarpasinnerpaartaanut tikinnissaq siunertaasimavoq.
Aviisi Sermitsiaq taama allappoq.
- Angalaneq Ironbarkimi aningaasaliisunut angalatitsinertut aaqqissuunneqarpoq, suliniut U.S. Export-Import Bankimut (EXIM) takutinniarlugu, taakku suliniummut piumasaqaatitalimmik 4,3 milliardit koruuninik taarsigassarsititsinissamut akuersissuteqarput. Aningaasaliisut aallartitaasa saniatigut Ironbarkip Naalakkersuisunit sinniisut marluk kiisalu LNS-imit aatsitassarsiorfiup sanaartorneqarnerata ilaanut ingerlanneqarneranullu ilaasussaagunartut qaaqquaat, Aatsitassanut Aqutsisoqarfimmi immikkoortortaqarfiup pisortaa Kim Zink Jørgensen ilisimatitsivoq.
Angalaneq naammassineqanngilaq. Pujornerata silarlunneratalu aallanngitsoortippaat – Kalistat Lundilu Citronen Fjordimut tikeraanngitsoorluni angerlartariaqarsimavoq.
Kisianni piffissaq maangaannartinneqanngilaq, Kalistat Lund, angalanermik isumallualersitsinermut atuisimasoq isumaqarpoq.
Aviisimi Sermitsiami atuarnerusinnaavutit. Aviisi uani pissarsiariuk: