Skip to main content

Sussat nipilersugaat qallunaap arnap immiukkusukkai

Pop-rockimik nipilersortartut Sussat ilimaginngisamik Danmarkimiit saaffigineqarput

Pop-rockimik nipilersortartut Sussat Nunatsinni nuannarisaaqisut maanna isumaliutigaat qallunaap arnap erinarsortartup Sussat nipilersugaannik qallunaatut immiussinissaa akuerissanerlugu. Nuusiorfiulli Atlantic Musicip aamma erinarsuusiortup John Geisler Sandgreenip qulakkeeqqaarusuppaat erinarsuutit oqariartuutaat nipilersoqatigiillu ilisarnaqutaasa qallunaatut immiussinermi innarlerneqannginnissaat.

Danmarkimiit saaffiginnissut Atlantic Musicip qanittumi tiguaa.

- Erinarsuusiortoq John Geisler Sandgreen taannaavoq saaffiginnissummut isummertussaq. Uagulli kissaatigaarput taallat qallunaatuunngortinnerisa takoqqaarnissaat akuersisinnaanerup isummerfiginnginnerani. Aamma taallat qallunaatuut imarisaat akuersaarsinnaasariaqarparput, Atlantic Musicimi pisortaq Ejvind Elsner Sermitsiaq.AG-mut oqarpoq.

Sorraappasikkusupput
Sussat cd-nik pingasunik saqqummersitsinikuupput nuannarisaassutigisartik ’Sila qaammareerpoq’ 2011-mi saqqummersillugu taannalu 5.000-it sinnerlugit tunisaareerpoq taassumalu kingorna aamma saqqummersinnikuuaat ’Asannileraluttuinnarsinnaarpasikkami’, 3.000-it sinnerlugit tunisaareersoq. Nipilersoqatigiit junimi saqqummersippaat ’Pinniissalikaartunnguungaluarlutit’ aamma pisisartunit nuannarineqarluartoq.

- Paasinngilarput erinat sorpiaat qallunaap arnap taassuma immiukkusunnerai. Paasitinneqarpugulli Sussani immiunnerannisut immiukkusukkai, John Geisler Sandgreen Sermitsiaq.AG-mut oqarpoq.

Sussat avannaani qanittumi nipilersoqattaartut saaffiginnissut qanoq isummerfigissanerlugu suli aalajanginngillat.

- Ejvind Elsnerip oqarneratut taallat qallunaatuunngortinnerat takoqqaarusupparput. Qallunaatuunngornissaalli akuereratarsinnaavara Sussat sorraappasilaarlutik ilumoorsaanngittumillu pissuseqarnerat immiusseqqinnermi attanneqarsinnaassappat, John Geisler Sandgreen oqarpoq.

Sussat nipilersugaat ’Sila qaammareerpoq’ qallunaatuumut nutserneqareerpoq qallunaanit imerniartarfinni nipilersortartunit taannalu uani tusarnaarsinnaavat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER