upalungaarsimaneq
Sungiusarnissarsuaq nutaaq
Maajip 28-anniit juunnip aallaqqaataanut oqartussaasut Nuup eqqaani upalungaarsimanermut annertuumik sungiusartitsissapput
Umiarsuaq assartuut umiarsuarlu takornariartaat Nuup eqqaani imminnut aporput.
Siullermik ujaasineq annaassiniarnerlu sammineqassapput, aappassaanillu upalungaarsimanermi mingutsitsinerup akiornissaa sammineqassaaq.
Nunat arlallit
Tamanna aallaaviussaaq nutaamik sungiusarnissarsuarmi nunanit arlalinnit peqataaffigineqartussami, taannalu ingerlanneqassaaq maajip 28-anniit juunip aallaqqaataanut, taamatut paasissutissiivoq www.hjv.dk
Sungiusarnissarsuarmi siunertaavoq qallunaat kalaallillu annertunerusumik pisoqartillugu ajunaarnersuaqartillugu upalungaarsimasuisa ataqatigiissaarisinnaassusiata ingerlatsisinnaassusiatalu nukittorsarneqarnissaat. Sungiusarnermilu sakkutuunit ilaatigut peqataassapput Hjemmeværnet.
Hjemmeværnet
Pilersaarutaavoq Hjemmeværnet peqataatitsissasoq Hærhjemmeværnsdistrikt Midt- og Vestjyllandimit politihjemmeværnsgruppimik, presseofficerinik 3 - 5-inik stabsofficerinillu 3 - 5-inik, kiisalu inunnik 100-nik ajoqusersimasuusaartussanik il.il.