Skip to main content

Sungiusarneq: Vædderen ajutoorfimmukartoq

Umiarsuaq alapernaarsuut Vædderen islandimiut sinerissami alapernaarsuisui sungiusarnermi ikioriartorlugit Danmarksstrædetimukarpoq. Sermitsiaq.AG angalaqataavoq.

Nalunaaqutaq 9.30 islandimiut sinerissami alapernaarsuisui VHF-radiokkut kalerriipput. Umiarsuaq alapernaarsuut Danmarksstrædetimippoq – Islanndimip Kalaallit Nunaatalu aqqutaata pingajorarterutaata missaani.

Attaveqaatillu attavilupput, islandimiullu qanoq kissaateqarnersut paasiuminaalluni.

Sianeqqinneq

Tassanngaannillu pisoqaqqinngilaq. Taavalu, nalunaaqutaq 9.45 qaammataasakkut oqarasuaatikkut sianertoqarpoq. Vædderin qinnuigineqarpoq islandimiut umiarsuaataannut sinerissami alapernaarsuummut Thorimut VHF-ikkut attaveqaqqullugu.

Attaveqarniarnerlu iluatsinngilaq.

Nalunaaqutaq 9.54 qaammataasakkut oqarasuaatikkut sianertoqaqqippoq. Vædderini peqquneqarpoq killifigisatsinniit 60 kilometerit missaanni ungasitsigisumut orniguteqqullugu. Ornigunnissaq nalunaaquttap akunnerini marlunni sivisussuseqassaaq.

VHF-imik ajornartorsiuteqarneq

- VHF-it angusinnaasaat angumanngikkaangatsigut attaveqarniarnerup ajornartorsiutaasarnera naliginnaalluinnarpoq. Qaammataasakkut oqarasuaat suli pingaarutilerujussuuvoq, Vædderinip naalagaa, Søren Kjeldsen nassuiaavoq.

Qanoq pisoqarsimaneranik islandiumiulluunniit qanoq ikioqqunersut ersarissumik suli nalunaarutigineqanngilaq.

Umiarsuaq piffissaq naatsorsuutigisamit apuussimanngitsoq, ilimagineqarpoq.

Massakkulli VHF-radiokkut tusaaneqarsinnaalerpoq canadamiut sinerissami alapernaarsuutaat sumiiffimmut aamma orniguteqquneqarsimasoq.

Pisorlu sungiusarnerunani piviusuungaluarpat, paasissutissat taama annikitsigisut naammagineqarnavianngikkaluarput.

Nunat tallimat peqataasut

Arctic Guardianimik taajusikkamik sungiusarnerup aallartinneqaqqammertup, siullersaraa. Umiarsuit timmisartulllu nunani assigiinngitsunit tallimaneersut sungiusarnermi peqataapput.

- Naliginnaasumik qanoq pisoqarsimaneranik nalunaarfigitissangaluarpugut, Søren Kjeldsen oqarpoq.

Piviusorsiortorlu tassaavoq piffissami massakkut ajutoorfiusumut ingerlaartoqarnera. Ingammillu Kalaallit Nunaani umiartorneq akunnerit qulit sinnerlugit pinerusarmat.

Pinngortitami ajunaarnersuaq

Vædderini tassaarsuaqarnerata kingorna Nuugaatsiamukaqqusaagami, ulloq ataaseq ataaseq atorlugu orniguttariaqarsimavoq. Ingerlaarnermillu inuttat amerlanersaat annaassiniarnerup pilinnginnerani qasuersaarallaqquneqarput.

Qujanartumik unnuup ingerlanerani anoraakkiartorsimavoq mallerpallaarunnaarlunilu. Tamannami Vædderenip umiarsuillu allat sumiiffimmut apuullutik ujaasilerpata ujaasiniarnerannut oqilisaataangaatsiassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER