Sungiusaasoq: Unammisartugut ajorsaraluarlutik misigisaqarluarput
Assammik arsarluni nunanut allanut unammisartut ippassaq pingasunngorpat målinik arfineq pingasunik ajorsarput. Kalaallit Cubamiunit ikiorneqarnissartik neriuutigalugu nunanut allanut unammisartut sungiusaasuata Johannes Grothip neriuutigaa.
- Cubamiut unammisagut nukittoorujussuupput. Timikkut assut nukittupput. Unammilinnginnitsinni ilisimareerparput unamminissaq ajornaatsuinnaassanngitsoq, kisianni Cubamiut tupaallatsikkunarpagut taama malinnaalluartigisinnaagatta.
Arnat assammik arsarlutik nunanut allanut unammisartuini sungiusassaoq Johannes Groth Sermitsiaq.AG-mut oqarpoq. Kalaallit ippassaq Cubamut unamminerminni 17-25-mik ajorsarput. Nunarsuarmi pissartanngorniunnissamut anngunniunnermi kalaallit arnartaat ulluni makkunani Mexicomi unammeqattaarput.
Ippassaq unamminerminni muminnermi kalaallit målimik ataatsimik kinguaqqaannarput.
- Kisianni qasunerup pissutigisaanik qaangertippugut, unammisagullu Cubamiut nukissaqarluarnerullutik suli. Ulluinnarni unammisartuunerat takuneqarsinnaavoq. Unammisartutsinnut tamanna misigisatsialaavoq, Johannes Groth oqarpoq.
Gruppip aappaani USA Canadamut ajugaarujussuarpoq, 42-21-mik ajugaalluni. Kalaallit ullumi Canadamut ajugaarujussuartariaqarput semifinalimut ingerlaqqissagunik.
- USA-kkut ajugaarujussuarnerisa kingunerisaanik uagut aamma ajugaarujussuartariaqarpugut semifinalimut anngutissagutta. Ajugaarujussuarsinnaassagutta Cuba ullumi illersungaatsiassavagut - taakkuli semifinalimut anngutereerput. Ajugaagunik gruppimi ajugaassapput, aamma naatsorsuutigaara Den Dominikanske Republik semifinalimi naapikkusussanngikkaat naatsorsuutigaara, oqarpoq.
Kalaallit Canadamut ullumi unammissapput nalunaaqutaq 17.00-imit. Cuba aamma USA nalunaaqutaq 19.00-imit unammissapput.