Skip to main content

Sungiusaasoq: Nunanut allanut unamminerit amerlanerusut

Kalaallit isikkamik arsaattartuisa Danmarkimut ajugaareernerisa kingorna, nunanut allanut unammisartunut sungiusaasup Tekle Ghebrelulip nunanik allanik unammisaqartalerorusunnini oqaatigaa

- Danmarkimut ajugaanerput suli paasisinnaanngilara. Unnuaq sinissinnaanngingajappunga, arsaattukkami angusaat nuannaarutigeqaara.

Isikkamik arsaattartut nunanut allanut unammisartuisa sungiusaasuat Tekle Ghebrelul Sermitsiaq.AG-mut ataasinngornerup ullaani oqarpoq.

Unamminerit amerlanerusut
Tassami Kalaallit Nunaata nunanut allanut unammisartui Danmarkimut 5-4-mik sapaatiummat ajugaapput.

- Nunani tamalaani arsaattartut kattuffissui (Fifa aamma Uefa) Kalaallit Nunaat maannamit maluginiarnerusariaqalerpaat. Sapinngitsorsuusugut Danmarkimut unamminitta takutippaa tamanna, nunanut allanut unammisartunut sungiusaasoq oqarpoq.

Nunatsinni arsaattarnerup siuariartupiloornera ilaatigut malugaa.

Mini-VM-eqataanissaq
- Danskinit sukkanerujussuuvugut, aamma tunioraannerup tungaatigut malinnaasinnaalluarpugut. Misilittagakippallaarpugulli, tamanna unamminermi siullermi erserpoq, oqarpoq.

Kalaallit 2-1-mik siuaqqanerminni ajugaasimasinnaagaluartut oqaatigaa, taamaattoq unammisartut pissangalernerisa kingunerisaannik naligiissimallutik oqaatigaa. Tassami unammineq naammassilivissoq danskit 2-2-rtitsillutik isertitsipput.

- Taamaammat nunanut allanut assigiinngitsunut unamminerusalernissarput kissaatigaara. Aamma unammisartuvut suli takutitsinerusinnaapput, una pisoq aallarniutaannaavoq, Tekle Ghebrelul oqarpoq.

Kalaallit nunanut allanut unammisartui futsalimi Ruslandimi mini-VM-eqarnissaanut juunimi peqataanissaat ilisimatitsissutigaa. Aamma Nordic Cup-imut unammisaqattaarnissanut peqataanissaq inissilivissoq ilisimatitsissutigalugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER