Skip to main content

Sumiiffinni marlunni umimmattassat amerlanerusut

Umimmannik kisitsinerit arlaqartut kingorna, 2017-imi ukiaanerani ukiuuneranilu piniarnermut killigititat allanngorniarlugit Naalakkersuisut aalajangerput

Ivittuuni umimmannik juunip naanerani 2016-imi minnerpaaffiliinikkut kisitsineq tunngavigalugu umimmanniarnissamut piffissaliussat umimmattassiisutillu Piniarnermut Aalisarnermullu Naalakkersuisoqarfimmit allannguiffigineqarput.

Ukiuunerani 2017-imi marsimi apriilimilu umimmanniarnissaq inuussutissarsiutigalugu piniartunut Arsummeersunut taamaatiinnarneqarpoq, kisianni illuanik inuussutissarsiutigalugu piniartut Arsummeersut ukiaanerani 195-inut taarsiullugu 217-inik pisaqarsinnaalissapput.

Uumasut eqqissisimatinneqarniartut
Ivittuuni umimmaat 917-t kisinneqarneranni norraat 97-iinnaanerat tassani pissutaavoq.

Ukiuunerani 2017-imi martsimi aprilimilu inuussutissarsiutigalugu piniartunut Arsummeersunut umimmanniarnissaq umimmaat arnavissat naartusut eqqissisimatinneqarnissaat pillugu taamaatiinnarneqarpoq piniarnermit immaqalu assartuutit motoorilinnit pisariaqanngitsumik akornusersorneqannginnissaat qulakkeerniarlugu, naalakkersuisoqarfik nalunaarpoq.

Atuaruk: Aavarfinngungajalerpoq: Pisaqarluarisi

Atuaruk: Sunngiffimmi piniareernermi pisanik nalunaartut amerlanngitsut

Inuussutissarsiutigalugu aamma sunngiffimmi umimmanniarnissamut umimmattassiissutit katillugit 322-iupput, taakkuninngalu inuussutissarsiutigalugu piniartunut Arsummeersunut umimmattassiissutit 217-iullutik. 

Avannaani piniarneq allanngortoq
Nuummit aamma nalunaarutigineqarpoq, Kangaarsummi Qaanaapa aamma Pituffiup ungasinngisaani umimmannik kisitsisoqarsimasoq.

Tassanilu umimmattassat 15-init 40-nut amerlineqarput.

Pituffiup eqqaani Kangaarsummi umimmattassat inuussutissarsiutigalugu sunngiffimmilu piniartunut Qaanaap aqutsiveqarfianut 35-it agguarneqarput Pituffimmullu 5-t agguarneqarlutik.

Atuaruk: Umimmaat savaaqqallu neqaat amigaatigineqartut

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER