Sumiiffiit aqquserngillu taaguutaannik siunnersuisoqatigiit nutaanik ilaasortartaartut
Illoqarfiit pingaarnersaata kommuniani Sumiiffiit aqquserngillu taaguutaannik siunnersuisoqatigiit marlunnik nutaanik ilaasortartaarput
Marianne Petersen Salik Hardilu Sumiiffiit aqquserngillu taaguutaannik siunnersuisoqatigiinnit tunuarniarlutik qinnuteqarsimapput, Aningaasaqarnermut Ataatsimiititap februaarip 20-ani ataatsimiinnissaanni oqaluuserisassani tamanna takuneqarsinnaavoq.
Sumiiffiit aqquserngillu taaguutaannik siunnersuisoqatigiit Hans Lange taartissatut inassuteqaatigisimavaat, tunngavilersuutaalluni kulturimik oqaluttuarisaanermillu ilisimasaqarluartuunera. Salik Hardip sunngiffimmi aalisartut, aalisartut piniartullu kattuffiannit toqqagaasimasup Panigpak Daorana taartissamisut toqqarsimavaa.
Siunnersuisoqatigiit taamaalillutik ilaasortat nutaat ilanngullugit ukuulerput:
Lisathe Møller, Oqaasileriffimmi immikkut siunnersorti
Frederik Holm, illussanik titartaasartoq
Tittus Dalager, illuliornermi ilitsersuisartoq
Johannes Heilmann, Nuummi piniartut aalisartullu peqatigiiffianneersoq, NAPP.
Ilaasortat nutaat siunnersuisoqatigiit maajip 28-ani ileqquusumik ataatsimiinnerannut peqataassapput.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...