Skip to main content

Sume pillugu piviusulersaarut tigulluarneqartoq - qisuariaatit atuakkit

Nuummi Katuami nipilersoqatigiit pillugit piviusulersaarut pisortatigoortumik takutinneqaqqaassaaq

'Wauw - Sume pillugu filmiliaq eqqortinnarpoq'.

'Sanalluagarujussuaq'.

'Filmi pisariaqartinneqartoq'.

Atuagagdliutini Sume pillugu piviusulersaarut quppernerit 16-ni atuarneqarsinnaavoq. Tassani naliliinerit apersuinerillu ilaapput. 

'Sume - mumisitsinerup nipaa'-nik suliaqartut, ilitsersuisoq Inuk Silis Høegh aamma produceri Emile Hertling Péronard suliaat pillugu assigiinngitsunit nersualaarneqarpoq. Aviisip Politikenip kulturikkut immikkoortuani aamma saqqaritinneqarpoq, 'Sume - Kalaallit Nunaanni mumisitsinerup nipaa'-nik taallugu.

Nersualaarinninneq
Sumemi nipilersoqataasartup Per Berthelsenip filmi tipaatsualaarutigaa. Tamanna Facebookimi quppernermini ima allappaa:

- Quppernerit 16-it! AG-mi Sume-filmi pillugu aqagumiit atuarneqarsinaavoq. Sumep oqaluttuarisaaneqarnera pulaffigalugu, Karsten Sommerip nipilersoqatigiit naapeqqaarnera pillugu, filmiliortut ilisaritillugit aammalu - Sume - mumisitsinerup nipaa - pillugu naliliinerit assigiinngitsut sisamarujussuit.

Nuummi kulturikkut illorsuarmi filmi takutinneqareersoq Sermitsiaq.AG-mi allaaserineqareerpoq, septembarip pingajuani takutinneqarluni. Isiginnaartut ilagaat Inuit Ataqatigiinni siulittaasoq Sara Olsvig. Facebookimi quppernermini filmi ima nalilerpaa:

- Ippassaq Greenland Eyes Film Festival naggaserlugu SUME - Filmen om Grønlands største rockband Mumisitsinerup nipaa takutippaat. Imarisai, nipilersuutit, assit, inuttai, oqaatsillu atorneqartut ataqatigiilluinnartillugit suliarineqarsimavoq. Isiginnaarlugu tulluusimaarnaq. Nunatta oqaluttuarisaanerani pisimasunik nipilersorneq aqqutigalugu 'oqaluttuarfigitinneqarluni' killitsinnaq, nukittuallannaq. Imaannaanngitsunik Nunatsinni eqqumiitsuliortoqarpugut tarrarsorfigisinnaasatsinnik tunisisartut. Qujamasoqaanga pisuussut taanna pigigatsigu. Paarilluartigu, eriagisigu, inissaqartitsigu. Inuk Silis Høegh Emile Hertling Péronard-lu qujanaq! Sume-kkut qujanaq! Pisuunnguallatsippatsigut. Filmi saqqummerpat isiginnaariarrakkisi!

Attortinnartoq
Arctic Winter Games 2016 General Managerip Maliina Abelsenip aamma isiginnaarpaa, isiginnaakkanilu nuannaringaarpaa:

- Sumemik filmiliaq takuteqqaarneqannginnerani isiginnaaqqammerpara (septembarip sisamaani). Suliarigaalluartorujussuuvoq, misigissutsinnik eqqarsaatinillu qaffakaatitsivoq: Nunatsinnut asanninnerujussuaq misigaara. Nunatta oqaluttuarisaanera paasisaqarfigissallugu pingaaruteqarpoq. Ulluinnarni oqaatigineqarneq ajortut nipilersornikkut, eqqumiitsuliornikkut kulturikkullu takutinneqarput. Inuiaqatigiit ingerlanerat pillugu apeqqutilliinerit, sapiissuseqarnerat perusunnerallu ataqqinartuuvoq. (Assit qangarnitsat aamma takullugit alianaapput meeraaninnut utersaarnarluni). Emile Hertling Péronard aamma Inuk Silis Høegh suliassinnut qujanarujussuaq, Maliina Abelsen Facebookikkut allappoq.

'Sume - mumisitsinerup nipaa' Katuami siullermeerluni unnugu pingasunngornermi takutinneqassaaq. Qaaqqusanut filmi takutinneqassaaq. 

Akiliillutik isiginnaariat filmi tallimanngorpamit nalunaaqutaq 21.00-mit takusinnaalissavaat. 

Filmi Sisimiuni Ilulissanilu aamma takutinneqassaaq, septembarip 18-ani 21-anilu. Danmarkimi oktobarip 16-ani takutinneqassaaq.

Aviisimi Atuagagdliutini saqqummersumi Sume pillugu piviusulersaarut allaaserisaqangaatsiarpoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER