Skip to main content

Sume pillugu piviusulersaarusiaq KNR-ip takutilerpaa

Piviusulersaarusiaq ’Sume - mumisitsinerup nipaa' KNR-TV-p arfininngorpat takutilerpaa

Piviusulersaarusiaq ’Sume - mumisitsinerup nipaa' naliliisartunit nersualaarneqarluartoq arfininngorpat KNR-TV-kkut nalunaaqutaq 20.00 takutinneqartussanngorpoq.

- Nuannaarutigeqaarput filmip nuna tamakkerlugu siaruarternissaanut KNR periarfissinneqarmat, TV-imi aallakkaatitassiornermi pisortaq Jan Berg oqarpoq.

Piviusulersaarusiaq ’Sume - mumisitsinerup nipaa' Canadami filmfestivaleqartitsinermi Imaginative Fimfestival-imi nersorniarneqarpoq. Piviusulersaarusiaq Inuk Silis Høeghimit ilitsersuisuuffigineqarpoq suliarineqarneranilu aqutsisuuvoq Emile Hertling Peronard.

- Septembarip qaammataani Nuummi filmi takutinneqaqqaarmalli eqqarsaatersuutigisimavarput qanoq iliornikkut Kalaallit-Nunaata sinneranut takusassiaralugu ingerlaartinneqarsinnaanersoq. Kalaallit-Nunaata isorartunerujussua angallassiniarnermilu ajornartorsiutaasut pissutigalugit filminik takutitassanik ingerlaartitsiniarneq imaannaanngeqaaq. Illoqarfiit inoqarfiillu allat imaasiinnaarlugit angusinnaanngisagut KNR aqqutigalugu angusinnaanngoratsigit nuannaarutigaarput, Emile Hertling Peronard oqarpoq.

Filmip pilersinneqarnerani KNR ikiuuppoq filmiliorfissanik periarfissiinikkut aammalu toqqortaatinik atukkiussinermigut.

Piviusulersaarusiaq pillugu allaaserisat tamaasa uani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER