Skip to main content

Suluusallit Dash 7-it Canadamut tunineqartut

Air Greenlandip Dash 7-iutini canadamiut timmisartuutileqatigiiffiannut Trans Capital Airimut, Torontomi qullersaqarfeqartumut, tunivai

Canadamiut timmisartortitsileqatigiiffiat Trans Capital Air, Torontomi qullersaqarfeqartoq, aalajangersimavoq Air Greenlandip Dash 7-iutai pingasut pisiariniarlugit.

Dash 7-ilu siulleq ullumi tunniuneqassasoq, Air Greenlandi tusagassiuutinut nalunaaruteqarpoq.

Trans Capital Airimi sulisut sisamat, timmisartunik nalunaarsuutinillu misissuiartortut, februaarip qaammataani tikeraarput, tamannalu tunngavigalugu Air Greenlandip Dash 7-iutai pisiariniarlugit aalajangerlutik. Timmisartut pineqartut tassaapput OY-CBU, OY-GRE aamma OY-GRF.

Air Greenlandimit nalunaarutigineqartut naapertorlugit timmisartut siulliit marluk piaartumik tunniunneqassapput. GRF Canadami Torontomut ullumi sisamanngornermi aallarpoq. Qaammat ataaseq qaangiuppat OY-GRE malinnaatinneqassaaq, kingullerlu OY-CBU oktobarip qaammataani tunniunneqassalluni.  

- Timmisartunik suluusalinnik Kalaallit Nunaanni ilaasunik angallassinerup siuarsarneqarneranut Dash 7-it peqataalluinnarput, aammalu 1979-imiilli Dash 7-it patajaatsuullutillu allanngujuitsuunertik ilisimaneqaatigileriartorlugu. 7’-ip nuannarineqarluarneranik tamanna kinguneqarpoq – suliffeqarfitsinni kisimi pinnanni – aammali inuiaqatigiit akornanni. Taamaattumik Dash 7-inik inuulluaqqusinerput tussunngunalaanngitsunngilaq, Air Greenlandip pisortaanera Michael Højgaard oqarpoq

Dash 8-t arfineq pingasut timmisartuutigineqalissapput
Dash 7-it kingulliit pingasut tuninineqarneri Air Greenlandip Kalaallit Nunaata iluani suluusalinnik timmisartuussinermini nutarsaanissaminik siunniussaanut malitsigitinneqarpoq. 2015-p ingerlanerani Dash 8-it kingulliit marluk tikisinneqassapput, taamaalilluni Dash 8-it arfineq-marluk timmisartuutigineqalissapput, siunissaq isigalugu Air Greenlandip Kalaallit Nunaata iluani timmisartuussinerani pingaarnertut atorneqalissallutik.  

- Dash 8-iinnarnik timmisartuuteqalerneq pitsaalluinnartumik ingerlatsinermut kinguneqassaaq, kingoraartissanut akikinnerusunut aammalu ikummatissamut 25 procenti angullugu ileqqaartoqarsinnaalissalluni, allaffissornikkuttaaq pisariillisaasoqassalluni. Taakku saniatigut isorartuumut angalanissamut ikummatissamaasiveqassapput, taamaalillutik orsersoqqeqqaaratik sivisunerusumik timmisinnaassallutik. Dash 8-ri nikagisassaanngitsumik taartissatut takutitsilluareerpoq’, Michael Højgaard oqarpoq.

Dash 8’-it arfinilissaat OY-GRO marsimi tikisinneqassaaq, kingullerlu OY-GRP oktobarip qaammataani tikisinneqarpat Dash 8´-it pigineqalersussat tamakkerneqassapput.  

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER