Sulorarneq

Sulorartartut misilittarneqassapput

Kalaallit sulorartartut nunanut allanut unammisartui qaammatip tulliani Europami pissartanngorniunnernut peqataassapput. Tassani unammisartut qaffasinnerepaamik unammisartuusut peqataassapput

Landstræner i badminton Rune Svenningsen

- Kalaallit unammisartuisa unammisatik qanoq pitsaatiginersut malugissavaat.

Nunanut allanut unammisartunut sungiusaasoq, Rune Svenningsen, Sermitsiaq.AG-mut oqarpoq. Kalaallit unammisartut sulorarluni iligiikkaarnermut EM-imut peqataassapput. Angutit ilaatigut England makippaat, tassani Europami pissartaq, Rajiv Ouseph, ilaavoq.

Taamaattumik unammisartut annertuumik suliassaqarput.

- Kisianni unammisartunut tamanut misigisassaq annertussaaq, tassani nunarsuarmi unammisartut pitsaanerpaat ilaat naapissagamikkit. Ajornakusoortorujussaaq, kisianni aamma nuannissaaq, sungiusaasoq erseqqissaavoq.

OL-imi ujaminnannikut unammmisinnaagaat
Unammisartut ineriartoqqissinnaanerat taassuma qularutiginngilaa.

- Unammisartut qaffasinnerpaamik ingerlaniaraanni suna pisariaqarnersoq takussavaat, unammisallu qanoq sukkatigisumik unammisinnaanerat. Uanmminerit ilaanni OL-imi ujaminnannikut unammisinnaavaat. Taamaamamt EM-imi oqitsumik unammisoqarnavianngilaq, Rune Svenningsen oqarpoq.

Europami pissartanngorniunnerit sioqqullugit sungiusaasup unammisartut taamaammat tamaviaartinnianngilai.

- Unammisartut imminnut upperissapput, sapinngisarlu tamaat ilikkagaqarniarsaralutik. EM-imi unammilluta ajugaasinnaagutta, taava tigussavarput. Kisianni unamminerni ajugaasariaqarnerinik anguniagassiinianngilagut, sungiusaasoq oqarpoq.

Uku unammisartut sulorarluni iligiikkaarluni Europami pissartanngorniunnissamut ilaatinneqassapput:

Angutit:

  • Bror Madsen
  • Jens-Frederik Nielsen
  • Taatsiannguaq Pedersen
  • Toke Ketwa-Driefer

Arnat:

  • Sara Lindskov Jacobsen
  • Celia Villebro
  • Milka Brønlund
  • Nina Høegh Møller

Unammisartut peqataasut saniatigut sulorartartut kattuffianni siulittaasoq Michael Kleist unammisartunut aqutsisuut ilaassaaq, timimik sungiusaasoq Mille Freya Pedersen kiisalu sungiusaasoq Rune Svenningsen. Unammiuaarnerit februaarip 11-anni aallartissapput, Ruslandimilu illoqarfimmi Kazanimi pissallutik.

Powered by Labrador CMS