Sulorarneq: Nunanut allanut unammisartut EM-imut peqataassapput
Frankrigimi Europami pissartanngorniuttoqassaaq, tassani kalaallit angutitaat peqataassapput. Unammisartut sisamat toqqarneqarput
England, Sverige aamma Estland Kalaallit Nunaata EM-imi unammissavai.
Frankrigimi Lievénimi unammersuuarneq ingerlanneqartussaavoq februaarip aqqarngani unammersuaarneq aallartissalluni.
- Unamminitsinni ajugaanissatsinnut naatsorsuuteqanngilagut, taamaattoq unammisartugut pitsaanerpaaffissartik tamaat unammisariaqarput. Pitsaanerulerniarluta aamma erfalasorput takutinniarlugu EM-imut peqataassaagut, nunanut allanut unammisartunut sungiusaasoq Rune Svenningsen Sermitsiaq.AG-mut oqarpoq.
England unamminerni sakkortunersaassapput, taakku Danmarkimut VM-imi ukioq kingulleq ajugaapput.
- Unamminerit sakkortoorujussuusussaapput, taamaattoq taktikkikkut isumaqatigiissutit malillugit unamminissaat aamma pitsaasumik takutitsinissaat anguniagarivarput, nunanut allanut unammisartunut sungiusaasoq oqarpoq.
EM-imut ilaasussatut toqqarneqartut:
- Jens-Frederik Nielsen
- Sequssuna Fleischer Schmidt
- Taatsiannguaq Pedersen
- Toke Ketwa-Driefer