Sulorarneq: Jens-Frederik Nielsen kredsmesterskabertoqarnerani pingasoriaammik pissartanngorpoq
Sulorarnermik nunanut allanut unammisartoq Nunatsinni pissartanngorniutivittoqannginnerani unammilluaqattaarpoq
Annonse
Sulorarluni kredsmesterskabeqarneq Nuummi 27. februarimiit 4 marts tungaanut ingerlanneqarpoq.
Tassani nunanut allanut unammisartoq EM-ertoqarneranilu peqataasimasoq Jens-Frederik Nielsen ajugaallualaavippoq. Taanna kredsmesterskabernerni singlernermi, doublernermi kiisalu mixed-doublernermi ajugaavoq.
Singlerluni pissartanngorniutivinnermi taassuma Frederik Elsner 31-15-mik aamma 21-9-mik ajugaaffigaa. Taakku angutit doublerneranni ajugaapput mixed-doublernermilu Jens-Frederik Nielsen aamma Malu Degn pissartanngorput.
Nunatsinni pissartanngorniunnerit Ilulissani ingerlanneqassapput 26. martsimilu aallartissallutik.