Skip to main content

Sulorarneq: Islandimi unammisaqattaarnermi takutitsilluarneq

Nunat tamalaat unammiuaarneranni kalaallit takutitsilluarput

Sulorarnermi nunanut allanut unammisartut Jens-Frederik Nielsen, Sequssuna Fleischer Schmidt, Toke Ketwa-Driefer, Taatsiannguaq Pedersen aamma Tina A. Rafaelsen Islandimi Iceland Internationalimi unammiuaarnermi peqataapput sapaatip akunnerata siuliani.

Tassani nunat angusarissaartartut soorlu Indonesia, Malaysia, Danmark, Tuluit Nunaat aamma Frankrig peqataapput. 

Ataasiakkaarnermi Jens-Frederik Nielsen ataasiakkaarnermi unammiffimmut anngunniuteqqaarnani annguppoq. Unamminermini siullermini tulummut Heng Lin Nganimut 21-13-mik aamma 21-9-mik ajorsarami taamaasilluni unammiuaarnermit anivoq.

Toke Ketwa-Driefer anngiunniunnermi siullermi ajorsarami aamma ingerlaqqinngitsoorpoq, Sequssuna Fleischer Schmidt anngunniunnerup aappaanut killilluni. Tassanili ajorsarami aamma ingerlaqqinngitsoorpoq. 

Taatsiannguaq Pedersen unammiuaarnermut pingaarnermut peqataangajappoq, anngunniunnermi kingullermi unamminermini ajorsarami anngutinngitsoorluni.

Tina Amassen Rafaelsen arnani ataasiakkaarnermi unammiffimmi pingaarnermi ataaseriarluni unammivoq, tassanili ajorsarami aamma ingerlaqqinngitsoorluni.

Marlukkaarluni unammineq

Angutit marlukkaarlutik unamminerminni Toke Ketwa-Driefer aamma Sequssuna Fleischer Schmidt ingerlalluarnerpaapput. Unamminermi siullermi unammisatik ajugaaffigaat 21-18-mik aamma 21-12-mik. Unamminermi aappaani ajorsarput, taamaasilluni unammiuaarnermit anillutik. 

Jens-Frederik Nielsen aamma Taatsiannguaq Pedersen rundtimi siullermi ajorsaramik ingerlaqqinngitsoorput.

Arnat angutillu iligiiaarneranni Taatsiannguaq Pedersen aamma Tina Amassen Rafaelsen rundtip aappaanut killikkamik ajorsarput.

Pitsaasunut unammisut

- Kalaallit unammisut tamarmik takutitsilluarput. Unamminermut pingaarnermut unamminernut peqataatitsinissarput unammersuaannginnermi anguniagaraarput, tamannalu anguneqarmat nuannaarutigaarput. Ilaatigut 16-it pikkorinnerit akornanni inissittoqarput, tamannalu angusaq kusanarpoq, sulorartartut kattuffiat Facebookimi quppernermini allappoq.

- Sukkanerusumik unammeriaasillit uani unammivagut, tamanna unammisartutsinnut unammillernarpoq. Taamaattoq pitsaasunut unammisarnerit sungiukkiartorpavut, unammisartugullu pitsaanerulernissaat anguniarlugu sungiusarneq ingerlaqqissaaq.

Angutit iligiikkaarlutik EM-imut peqataassapput Frankrigimi.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER