Skip to main content

Sulluliarssuaq qanittukkut ammarneqaqqissaaq

Illoqarfiit pingaarnersaanni sulluliarsuup septembarip naanerani ammaqqinneqartussaagaluartup ammarneqarnissaa kinguaattoorpoq

Nuussuup Nuullu akornanni sulluliarsuaq juulip aallaqqaataaniilli matoqqasimavoq.

Tamanna minnerunngitsumik biilertorpassuit uggornartoqartippaat, allakkut aqqutissarsiortariaqartaramik. Sulilu taamaasiortariaqarput. Sulluliarsuaq sapaatip akunnerani kingullermi ammaqqinneqartussaagaluarpoq, asfaltiatali qulliisalu iluarsaanneqarnerat pissutigalugu qaqqaq putullugu qaninnersiorfiup ikuallaasarfiup eqqaaniittup nalinginnaasumik atuleqqinnissaanut suli utaqqilaartariaqarpoq.

Kabilit nutaat

Sulluliarsuup matuneqarallarneranut pissutaavoq Nukissiorfiit containerinut umiarsualivittaassamut sulluliarsuarmi kabelinik nutaanik ikkussuinera. Qullii aamma taarsersorneqarput, qalipaataat sungaartoq aappaluttut ´Led lampe´-nik taaneqartartunik taarsersorlugit. Qulliit tamakkua innaallagissamik sipaarniutaapput pitsaanerusumillu qaamatitsillutik.

– Matusinitsinnut aallaqqaammut pissutigaarput umiarsualivittaassamut kabelinik nutaanik ikkussuissagatta. Pilersluinermut telefonimullu kabelit asaallugit. Matoqqanerata nalaani tamanna iluatsillugu qulliit taarsersorpavut, Nukissiorfinni suleqatigiit pisortaat Ujarak Morten Kreutzmann oqarpoq.

Pilersaarutaasimagaluarpoq sulluliarsuaq qaammatini marluinnarni matoqqassasoq, ullaakkulli ingerlaffigineqartarpallaaqimmat piffissani aalajangersimasuni ammatinneqartalerpoq.

Oqaluttuaq tamaat Nuummilu angisuunik mikisunillu pisut atuakkit. Nuuk Ugeaviisi uani akeqanngitsumik aasinnaavat:

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER