Skip to main content

Sullissiumatooq Meeqqat ikiortigit nersornaaseraat

Marie Louise Brandt nammineq kajumissutsiminik suliaqartarnini Meeqqat Ikiortigimmit ukioq manna nersornaaserneqarpoq, ukiuni arlalinni Meeqqat Ikiortigit Nuummi immikkoortortaqarfianni suliaqarluarsimanini pissutigalugu.

Kalaallit Nunaanni Meeqqat Ikortigimmi namminneq kajumissutsiminnik suliaqartartut meeqqat inuusuttullu illersorniarlugit inuunerannilu ikiorniarlugit suliaqartarput.

Kalaallit Nunaanni Meeqqat Ikiortigit sapaatip akunnerani kingullermi namminneq kajumissutsiminnik suliaqartartunut tunngatillugit unnussiuaaqatigiipput, tassani suliniaqatigiiffimmi namminneq kajumissutsiminnik suliaqartartut nersorniarneqarput.

Marie Louise Brandt Nuummi Meeqqat Ikiortigit immikkoortortaqarfianneersoq immikkoortortaqarfiup siulersuisuini nammineq kajumissutsiminik ukiuni arlalinni suliaqartarsimanerminik nersornaaserneqarpoq:

Inussiarnersoq naapikkuminartorlu

- Marie Louise najukkami siulersuisut aaqqissuussaannik patajaattumik tunniussimasumillu ukiuni arlalinni suliaqartarni pissutigalugu nersornaaserneqarpoq. Tamatuma saniatigut inussiarnertuaannarlunilu naapikkuminartuaannarpoq, Kalaallit Nunaanni Meeqqat Ikiortigit nersornaasiineq pillugu allapput.

Kalaallit Nunaanni Meeqqat Ikiortigit siulittaasuata Jonna Ketwap nammineq kajumissutsimik suliaqartarnerup pingaaruteqassusaa erseqqissaatigaa:

- Nammineq kajumissutsimik suliaqartarneq tamaviaarnarsinnaasarlunilu ineriartornartuuvoq – inuiaqatigiillu tassuuna nukitorsarneqarsinnaasarput – misigissuseqarfiginerulerlugu pingaartillugu allanngueqataasinnaaneq – allammi inuunerinik pitsaaninngortitsisinnnaaneq isumalerujussuuvoq imartuujullunilu – ataqatigiinnermik pilersitsisarami ataatsimoornermilu peqataalersitsisarluni, Jonna Ketwa oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER