Sulitilluni ajoquserneq: Politiinit misissuineq utaqqimaarneqarpoq
Politiit Nuummi Betoncentralimi ajutoorneq, angutip sapaatip-akunnerani matumani pingasunngornermi sualuttumik ajoquserfigisaa, pillugu sullivinnik nakkutilliisoqarfimmut attaveqarsimapput.
Pingasunngornermi sualuttumik ajutoortoqarpoq, Nuummi Betoncentralimi sulisoq sualuttumik ajoqusermat.
Kalaallit Nunaanni Politiit Sermitsiaq.AG-mut paasissutissiipput, maannamut Sullivinnik Nakkutilliisoqarfiup misissuinera utaqqimaarneqartoq:
- Nakkutilliisoqarfimmik oqaloqatiginnippugut, suliallu ingerlariaqqinnissaa isumaqatigiissutigaarput. Sullivinnik Nakkutilliisoqarfiup misissuineri utaqqimaarallarpavut, pigaartut pisortaat Aqqaluk Petersen oqarpoq.
Taanna paasissutissiilluni oqarpoq, ajutoorneq pingasunngornermi ualikkut pimmat politiit nalunaarfigineqarsimanngitsut, kisiannili tamatuma kingorna ajutoornermik pasitsaassaqarsimasut tamatumunngalu atatillugu sullivinnik nakkutilliisoqarfimmut attaveqarlutik pisoq pillugu paasisaqarnerujumallutik.
Pissutaasoq suli paasivinneqanngitsoq
Pigaartut pisortaat oqaluttuarpoq, politiit suliami atuuffeqalersinnaasut nakkutilliisoqarfiup ajutoornermut atatillugu inatsisinik unioqqutitsisoqarsimanersoq naliliinissaa apeqqutaatillugu.
Kalaallit Nunaanni Sullivinnik Nakkutilliisoqarfik Sermitsiaq.AG-mut paasissutissiivoq, ajutoornermik misissuineq ingerlanneqartoq, kisianni ajutoornermut pissutaasoq suli qanimut oqaatigineqarsinnaanngitsoq.
Maannamuugallartoq nalunaarutinit oqaatigineqarpoq, qaartiterutissat siunertarineqartutut qaanngitsoorsimasut, kisiannili sulisoq ungasinngitsumi assaassutinik ujaqqanik piiaammat ajutoornikkut qaartoorsimasut, pineqarunartut.
Sulisoq sisamanngornermi Rigshospitaliliaanneqarpoq, ajoqusernerminik suliaritikkiartorluni, ilaatigut allerui napisimammata uluaanilu saarngit ajoqusersimammata. Ajoqusersimagaluarluni peqqissutsimigut patajaatsumik inissisimanerarneqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...