Skip to main content

Sulisut: Pisiffiup pisinera pissanganarpoq

Nuummi Super1-ip Pisiffimmit pisiaritinnissaa pillugu sulisut isumalluarput. Pisisoqarnissaa pillugu ippassaq nalunaarfigineqarput.

Nuup qeqqani Super1-imi ullaakkut pisiniaqarpallaanngilaq. Pisiniat ilaat nioqqutinik akikillisaasunik pisiniarput, pisiniarfimmilu ulluinnarni aqutsisoq, Kim Blancquart Rokholm, pisiniartitsivoq.

Pisiniarfimmi sulisut ilaat ulapaarfinngunnginnerani nioqqutissanik ilisivinnut issoraapput.

Arctic Groupip pisiniarfiutai Super1 aamma Farmers Nuummiittut aamma Super1, Nivi Jopelu Ilulissaniittut Pisiffimmit pisiarineqartussanngorput, siusinnerpaamillu decembarip aallartinnerani tiguneqassallutik.

Unammilleqatigiinnerup tungaatigut oqartussat suliaq akuereqqaassavaat, decembarimilu aalajangiisoqarsinnaassasoq naatsorsuutigineqarluni.

Sulisut pissangasut

Pisiffiup pisiniarfik pigilerpagu, pisiniarfiup qanoq ineriartornissaa pillugu sulisut pissangapput.

Kim Blancquart Rokholm, ulluinnarni aqutsisoq:

- Jeg er spændt på, hvordan udviklingen af vores lille butik vil blive påvirket.
Leiff Josefsen

- Pisiniarfik pisiaritissasoq ippassaq ullaakkut ilisimatinneqarpugut. Tupaallannarpoq, pisiniarfilli Pisiffimmut atalernissaa pillugu pissangavunga. Nalunngilara Pisiffimmi sulisut uagutsitulli pitsaasumik atugassaqartitaasut, tamanna ajunngilluinnarpoq. Super1 pisiniarfiuvoq mikisunnguaq, Pisiffiullu ataaniilerutta pisiniarfik qanoq ineriartussanersoq assut pissanngatigivara, Kim Blancquart Rokholm oqarpoq.

Nuka Larsen, Souschef:

- Det er selvfølgelig spændende, og jeg kan ikke rigtig forestille mig, hvordan arbejdet vil se ud fremover.
Leiff Josefsen

- Soorunami pissanganarpoq, aamma sulinitta qanoq allanngortiginissaa takorlooruminaappoq. Sulinerput immaqa allanngorpallaarunnanngilaq, suli ulluinnarni nioqqutinik nioqquteqartassangatta, tamanna ajunngilaq, aammali pissanganarluni, Nuka Larsen oqarpoq.

En fast kunde hos Super1, Johanne-Marie
Leiff Josefsen

Johanne-Marie Bjergstrøm-Jensenip pisiani puussiamut issoraatileruttorpai. Taassuma neriuutigaa Super1 maannakkutut ingerlaaseqaannassasoq:

- Soorunami ajunngilaq. Una neriuutigiinnarpara nioqqutissat maanna pisiassaasut nioqqutigiinnarneqarnissaat, akikillisallu ilaatigut suli akikinnerusarnissaat. Naatitat økologiskiusut pisiarisinnaaneri pitsaavoq, tamakkoqarmallu maani pisiniartarpunga, Johanne-Marie Bjergstrøm-Jensen, pisiniaq oqarpoq.

Meeqqanut Ilaqutariinnullu Ataatsimiititaq: Nuumi innuttaasunik ataatsimiisitsineq
Kommuneqarfik Sermersuumi Meeqqanut Ilaqutariinnullu Ataatsimiititaq Nuummi innuttaasunik ataatsimiititsissaaq, marlunngorneq 18. novembari 2019.
Paamiuni timersortartoq sulerusussuseqarluartoq isumassarsialillu timersortarfimmi pisortanngorpoq
Kim J. Jensen Paamiuni novembarip aallaqqaataani timersortarfimmi pisortanngorpoq, suliniutillu siulliit aallartinneqareerput.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER