Skip to main content

Sulisitsisut: KNI-mut pilersaarutip Nunatsinnut tatiginninnermik aseruisinnaavoq

Namminersorlutik Oqartussanit pigineqartoq KNI illoqarfinni annerni pisiniarfinnik ammaasinnaanngornissaanut, Sulisitsisut (GE) sakkortuumik aarlerisaaruteqarput. Nunatsinni siunissami aningaasaliissutissat immeraatigineqassapput, kattuffik taama isumaqarpoq.

KNI illoqarfinni annerni niuertarfinnik pilersitsilluni ingerlatsisinnaaneranik periarfissaqarnersoq inuussutissarsiornermut naalakkersuisoqarfiup misissussagaa, Naalakkersuisut januaarip 17-anni aalajangerpaat. Iliuuseqarneq taanna 2020-imut aningaasanut inatsimmi 10 millionit koruuninik sipaaruteqartitsissaaq.

Sammisap politikkikkut mianernartup Sulisitsisut erngertumik qisuariartippai.

Paasiuminartoq

- Inuussutissarsiorfiusuni allani Namminersorlutik Oqartussat unammillernaveersaarlutik tunuarsimaarsinnaanerannut aningaasaliisartut siunissami qanoq tatiginnissagamik? Aamma tamanna paasiuminartumik ingerlanneqarnissaa tatigisinnaavarput, kattuffiup pisortaa Brian Buus Pedersen aperivoq, taassuma – aatsitassarsiornermi takornarialerinermilu – allanit aningaasaliisussanik maanna ujartuisoqarnera oqaatigaa.

Sulisitsisut pisortaat aamma Pisiffiup 2001-imi namminersortunngorsarniarneqarnissaanut Namminersornerulluti Oqartussat saqqummiussaqarnernerminni oqaatigisaannut innersuussivoq, ”ungasissoq eqqarsaatigalugu Kalaallit Nunaat aningaasaqarnikkut namminersortunngornissaa anguniarneqartoq”.

Nangillunilu:

- Anguniakkat saqqummiunneqartut piviusunngortinniarlugit Namminersornerullutik Oqartussat politikkikkut suliniutinik arlalinnik aallartitsipput, taakkunani qitiusut ilagaat suliffeqarfiit Namminersornerullutik Oqartussanit pigineqartut toqqakkat namminersortunngorsarneqarnissaat.

Namminersortut annertuut

Naalakkersuisut paasissutissiissutaanni arlallinni ”aningaasaqarnikkut nutaamik ingerlatsisoqalernissaanut namminersortut annerunerannik aqqutissartaqartoq”, Brian Buus Pedersenip aamma oqaatigaa.

- Naalakkersuisut aaqqissuusseqqinnerit silatusaartut atorunnaarsillugit maanna inuussutissarsiornermut politikkip sammivianik qularuteqalersissappata, Sulisitsisut paasisinnaanngilluinnarpaat. Kalaallit Nunaata aningaasaqarnera piffissami kikkut tamarmik ”sinaakkutit atukkat allanngujaatsut” atorneqarnissaanik oqalunneranni ajoqusissavaat, Sulisitsisuni pisortaq oqarpoq.

- Oqallinnermi ilaatigut aamma isummersortoqartarpoq, aningaasaliisut namminersortut ”kalaallinit inuiaqatigiinnit tigusisuunerarlugit”, aningaasaliissutillu pisortanit pigineqartunit imaluunniit najugaqartunit pigaluarpata, aningaasat amerlanerusut Kalaallit Nunaanniittassagaluartut, Brian Buus Pedersen tikkuaavoq, imatullu mianersoqqusivoq:

Pasilliineq

- Taamatut isummersorneq oqallinnermi pingaartinneqalerpat, inuussutissarsiornermi ineriartorneq aamma Kalaallit Nunaanni suliffeqarfiit nutaat puiguinnarsinnaavagut. Kalaallit Nunaanni aningaasaqarnikkut mattussilluta taama isummersorutta, taama nunarsuarmi oqaluttuarisaanermilu qanoq ajutoortoqarsinnaatigineranik assersuutissanik ulikkaarpoq. Kalaallit Nunaat avataanit aningaasaleeqataassutinik pisariaqartitsisorujussuuvoq, siunertarineqartut pasilliiffigineqartillugit tamanna pisinnaanngilaq, imaluunniit aningaasaliisartut aamma inuussutissarsiornermik suliaqartut politikkikkut sammivik tatiginngippassuk.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER