Sulisitsisut: EU-mik isumaqatigiissummi isertitassanik annaasaqarpugut
– 2021-miit Kalaallit Nunaannut pitsaanerusumik EU-mik isumaqatigiissuteqarnissaq piareersartariaqarparput, Henrik Leth oqarpoq.
– Suleqatigiinnissamik isumaqatigiissutaanngilaq. Aalisarnermut isumaqatigiissutaavoq – aalisakkat akilersillugit – aalisakkat EU-p aalisarsinnaasai annikippallaamik akilersinneqarlutik. Taama Kalaallit Nunaanni Sulisitsisuni siulittaasoq Henrik Leth aviisimut Sermitsiamut oqarpoq, isumaqatigiissummut maannakkut 2020-imut isumaqatigiissutigalugu naammassisumut, Naalakkersuisut akuerisassaanut oqaaseqaammini.
– Tulliani aalisarnermut isumaqatigiissutissaq maannakkut piareersartariaqarparput, isumaqatigiissummilu aningaasat amerlanerungaartut pissarsiarisariaqarpavut, imaluunniit aalisakkat amerlanerusut EU-mut tunniullugit. Aalisagaapput nammineq pisarinerisigut EU-mit pissarsiarisatsinnit annertunermik pissarsiffigisassavut, Henrik Leth oqarpoq.
Taamatut oqariartuuteqarpoq Aalisarnermut, Piniarnermut Nunalerinermullu Naalakkersuisoqarfiup ukiumoortumik EU-mik isumaqatigiissutaa naammasseqqammersoq tunngavigalugu, 2020-mi aalisarsinnaanermut isumaqatigiissuteqartoqarluni.
– Isumaqatigiissut una Kalaallit Nunaata eqqaani EU-p aalisarnerani nalillit annertussusaannut naleqqutinngilaq. EU-mik suleqatigiinnissamik isumaqatigiissummi EU-p aalisakkat Kalaallit Nunaata eqqaani nammineq aalisanngitsuukkavut aalisartussaavai. Imaanngilaq EU-p aalisakkat kalaallit namminneq nunap aningaasaqarnikkut ingerlanneranut atorfissaqarteqisai atorluarniassagai, Henrik Leth aviisimut oqarpoq.
EU-mut isumaqatigiissut pillugu Sulisitsisut naliliinerat aviisimi Sermitsiami atuarnerusinnaavat. Aviisi uani ataani pissarsiarisinnaavat: