Sulisitsisut: Ataatsimiititaliaq avammut tunisassanik immeraassuteqartoq
Aalisarnermut, Piniarnermut Nunalerinermullu Ataatsimiititaliap uumasunut nakorsaqarnermut inuussutissalerinermullu oqartussaaffimmik angerlaasseqqusillutik Naalakkersuisunut piumasaqarnerat Sulisitsisunit aalassassutigineqarpoq
- Sooq Ataatsimiitsitaliap Kalaallit Nunaata aalisakkanik avammut niivernera taamatut immeraassutigissavaa?, Sulisitsisut pisortaat Brian Buus Pedersen aperivoq.
Sulisitsisut paasisinnaanngilaat sooq, “Ataatsimiitsitaliap taama inuussutissalerinermik suliamik tigusiniarnermi
unammilligassat annertuut anneruniutigimmagit. Ilaatigut aningaasaqarnikkut allaffissornikkullu pineqartut, uanilu
ataasinnguamilluunniit nalilersorneqaratik, suliassaqarfiit tigunissaanut pisinnaasatigut sulisoqarnikkullu
pissutsit imaannaanngitsut aqutsisoqarfimmi taamaattumiipput”.
Amerlaneruunik aningaasartuuteqalernissaq?
Sulisitsisut tupigusuutigaat, sooq massakkumut anigaasartuutaasartut taama aqukkuminaatsigitillugit pisortat allaffissornerisa suli annertusareqarnissaat, apeqqutigalugulu suliffeqarfiit suli annerusumik akileraarutitigut akiliisinniarneqarnersut.
- Ullumikkut Kalaallit Nunaat EU-mik aalisakkanik aalisakkanillu tunisassianik niiveqateqarpoq, tamannalu Kalaallit Nunaannut
annertuumik iluaqutaavoq nunarput nunani niiverfittut nunat pingajuattut inisseqqanngimmat. Taamaammallu aalisakkat
aalisakkanillu tunisassianik niivernermi ajornanngitsunnguanik EU-
mi pingaarluinnartunut niiverfinnut periarfissiivoq, Brian Buus Pedersen oqartussaaffimmik angerlaassinermi Kalaallit Nunaannut iluaqutaasinnaasumik takunnissinnaanngitsoq erseqqissaavoq.
Sulisitsisut: Siunnersuut itigartinneqarli
Sulisitsisunit neriuutigineqarpoq, ataatsimiititaliap aappaagu ukiakkut ataatsimiinnermi oqartussaaffiup angerlaanneqarnissaa pillugu aalajangiiffigisassatut siunnersuutaa Inatsisartunit itigartitsissutigineqassasoq. Inatsisartut aalajangiiffigisassatut siunnersuut aqagu marlunngorpat aappassaaneerlugu suliarissavaat.