Sulisitsisut: Aalisakkeriviit eqqorneqarnerlunneqarsinnaapput
Kalaallit Nunaanni maannamut tunillatsissimasut ikittuinnaapput. Tunillaassuunneqannertusippat tamanna ilaatigut inuussutissarsiornikkut suliffeqarfinnik amerlasuunikminnerunngitsumillu aalisakkanik suliffissuarnik aalisakkanillu avammut nioqquteqarnermik,nunatta aningaasaqarneranut sukarsuit ilagisaannik atugarissaarnitsinnullu tunngaviusumik,eqquissaaq, Sulisitsisut pisortaat Brian Buus Pedersen mianersoqqusivoq.
Kalaallit Nunaanni Sulisitsisut pisortaata Brian Buus Pedersenip, inunnik timmisartumik Danmarkimit tikeqqammersunik Kalaallit Nunaata ammaqqinneranut
atatillugu peqqinnissakkut oqartussat ilaatigut angerlarsimagallarnissamik innersuussutaannik
malinninngitsunik assersuutissaqarnera ernumaammernartoqartippaa.
- Akisussaassuseqanngitsumik pissusilersorneq ilaatigut coronavirusip tuniluunneranik
aarlerinartorsiornerup annertusineranik Covid-19-illu ilungersunartup atuunnerulerneranik
nassataqarsinnaavoq. Taama pisoqarpat tamanna Kalaallit Nunaanni peqqinnissaqarfimmut
inuiaqatigiinnullu kingunipiloqarsinnaavoq, Brian Buus Pedersen tusagassiorfinnut nalunaaruteqarnermi allappoq.
Taassuma mianesoqqussutigivaa, tunillaassuunneq annertusippat ilaatigut inuussutissarsiornikkut suliffeqarfinnik amerlasuunik minnerunngitsumillu aalisakkanik suliffissuarnik aalisakkanillu avammut nioqquteqarnermik eqquisinnaanera.
Inassuteqaatit malinneqarlik
- Tunillaassuunneq annertusisimasoq nappaalalernerillu ilungersunartut
soraarsitsiortornernik suliffissuarnillu matooraarnernik kinguneqarsinnaapput
suliffeqarfippassuarnut, suliffeqarfiit sulisuinnut inuiaqatigiinnullu tamarmiusunut
kingunipiloqartumik nassataqarsinnaapput, taanna oqarpoq.
Taamaammat Sulisitsisunit kaammattuutigineqarpoq, innuttaasut tamarmik peqqinnissakkut
oqartussat innersuussutaannk malinnissasut, periarfissarlu iluatsillugu politiinut
tapersersuinermut ersersikkusupparput, taakkunannga innersuussutigineqarmat, inuit
Kalaallit Nunaannut tikeqqammersimasut peqqinnissakkut oqartussat innersuussutaannik
malinneqqissaassasut.
- Allatut iliuuseqarneq akisussaassuseqannginnerussaaq, Sulisitsusut pisortaat oqarpoq.